Jańartylatyn energııa kózderin ornatýǵa 1 trln teńge ınvestıtsııa tartylady - Maǵzum Myrzaǵalıev
«Ekologııany jaqsartý quraldarynyń biri – jańartylatyn energııa kózderi. Qazir respýblıkada belgilengen qýaty 1975 MVt bolatyn 126 jańartylatyn energııa kózderiniń obektisi jumys isteıdi.
2021 jyly jańartylatyn energııa kózderiniń obektileri shamamen 4 mlrd kVt/saǵ energııa óndiredi dep boljanýda. Bul jalpy elektr energııasyn óndirý kóleminiń 3,5%-y degen sóz. Tórt jyl ishinde 62 jańartylatyn energııa kózin ornatý jobasyn jáne qýaty 1 GVt bolatyn iri aýqymdy jańartylatyn energııa kózderi jobalaryn paıdalanýǵa berý josparlanýda», - dedi Maǵzum Myrzaǵalıev.
Onyń aıtýynsha, atalǵan jobalardy iske asyrý úshin 1 trln teńge ınvestıtsııa tartylmaq.
«Qosymsha 6 mlrd kVt/saǵ jasyl energııa óndirý de josparlanǵan. 2025 jylǵa qaraı jańartylatyn energııa kózderiniń úlesi 6% qurap, al 2030 jylǵa qaraı 15% -dan kem bolmaıdy», - dedi mınıstr.
