Jańartylatyn energııa kózderi nysandary úshin bekitilgen shekti tarıf júıesin engizý qajet

Bul týraly búgin QR Parlamenti Májilisinde jańartylatyn energııa kózderin paıdalanýdy qoldaýǵa arnalǵan zań jobasynyń tanystyrylymy barysynda QR Indýstrııa jáne jańa tehnologııalar mınıstriniń orynbasary Baqytjan Jaqsalıev málim etti.

Onyń aıtýynsha, Indýstrııa jáne jańa tehnologııalar mınıstrligimen jańartylatyn energetıka kózderine qatysty álemdik tájirıbe zerdelengen.  «Kóptegen damyǵan elderde, onyń ishinde Germanııa, AQSh, Avstrııa, Frantsııa, Ispanııa memleketterindegi tájirıbege súıensek, tarıfterdiń bekitilgen júıesin engizý arqyly jańartylǵan energetıka kózderin damytýdyń iri aýqymdy jobalary júzege asqan. Júıeli kvotalaý praktıkasy da álemde birkelki qoldanylyp otyrǵan joq. Nıderlandy máselen, bul júıeni 1997-2000 jyldary engizip, odan keıin tarıftik júıege kóshti. Japonııada da osy sala sátsizdikke ushyraǵan soń, mamandar buny  kvotalaýdaǵy olqylyqtardan dep sanaǵan bolatyn. Sondyqtan da basqa elderdegi tájirıbelerdi saralaı kele Japonııa jańartylatyn energetıka kózderine bekitilgen shekti tarıfterdi engizdi. Álemdik tájirıbelerdi zertteı kele, biz Qazaqstannan basqa eshbir elde jańartylatyn energetıka kózderiniń nysandaryna jeke-jeke tarıfter belgileý júıesiniń kezdespeıtinine kóz jetkizdik», - deıdi B. Jaqsalıev.

Onyń aıtýynsha, jańa zań jobasynyń negizgi tujyrymdamasy da jańartylatyn energııa kózderi nysanynan alynatyn energııaǵa  bekitilgen shekti tarıfter engizý bolyp tabylady. Bul rette bekitilgen shekti tarıfter engizý osyndaı nysandarǵa jumsalatyn shyǵyndardy qaıtarý úshin bir jaǵynan kepil retinde qarastyrylyp otyr. Endeshe ınvestıtsııalyq tartymdylyq ta arta túsedi.

«ıAǵnı, Úkimet jańartylatyn energııa kózderi nysanynan satyp alatyn tarıftiń deńgeıin belgileıdi.  Al ınvestor árbir máselege salmaqty qadam jasap, nysanǵa qoldanylatyn tehnologııadan bastap ony óndirýge deıingi kezeńde jaýaptylyqpen jumys isteýi shart. Ol Úkimet bekitken tarıftiń ekonomıkalyq tıimdiligin ózi saralaıtyn bolady. Osylaısha, Úkimet bul salada tarıfti belgileı otyryp, ınvestordan ónimdi satyp alýǵa kepil bola alady. Bundaı jaǵdaıda eger mindettemeler oryndalmaǵan bolsa Úkimet tarıfke qatysty shekti ózgertýge quqyly bolady», - dedi mınıstrdiń orynbasary.