Jańartylatyn energetıkaǵa kóshýde ádil tarıf bolýy kerek – Lázzat Ramazanova
«Jasyl ekonomıkaǵa kóshýde teńdestirilgen bolýy kerek jáne halyqqa zııany tımeýi tıis. Eger biz kómirge 70% táýeldi bolǵannyń ózinde, 50% gaz energııasy bar. Degenmen biz áli de jasyl emes energııa kózderine táýeldimiz. Jańartylatyn energetıkany engizýde ádilettilik bolý kerek», - dedi Lázzat Ramazanov III ECOJER halyqaralyq kongresi barysynda.
Onyń aıtýynsha, halyq jasyl ekonomıkaǵa, jańartylatyn energetıkaǵa kóshkende turǵyndar zardap shekpeýi tıis jáne halyq qaltasyna salmaq túspeýi qajet.
«Aıtpaǵym, qarapaıym halyq úshin tarıf ádil bolýy kerek. Al bıznestiń óz tehnologııalaryn beıimdeýge jáne 2060 jylǵa qaraı kómirtekti beıtaraptyq tujyrymdamasynda belgilengen maqsattarǵa sáıkes keletin úzdik tehnologııalardy engizýge múmkindigi bolýy kerek. Árıne, 2060 jylǵa deıin biraz ýaqyt bar, degenmen elimizdegi energııamen jumys isteıtin ınjenerlik jelilerdiń 80%-nyń tozǵanyn umytpaǵan jón. Sondyqtan búginnen bastap kómirdi qoldanatyn jylý elektr ortalyqtaryn aýystyrý, jańalaý jumysyna kirisý kerek. Múmkin olardy buzýdyń qajeti joq shyǵar, degenmen bızneske jańa energııa óndiretin qondyrǵylar salý qajettigin osy bastan aıtý qajet», - deıdi ol.
Assotsıatsııa basshysynyń pikirinshe, zııandy qaldyqtar qorshaǵan ortamen qatar adamdardyń ómiri úshin de asa qaýipti.
«Mysaly, ruqsat etilmegen qoqys polıgondary, ókinishke qaraı, áli de ózekti. Kóktem jáne kúz mezgilinde jeke úı sharýashylyqtary qoqystardy jınap, órteıdi. Bul ekologııaǵa eshteńe bermeıdi, óıtkeni órt qaldyǵy da shyǵaryndy. Biz ekologııalyq qaldyqtardy qaıta óńdeý jáne joıýdy tek iri kásiporyndarda júzege asyrmaı, orta jáne shaǵyn bızneste de úzdik tehnologııalardy engizýimiz qajet», - dep tolyqtyrdy L.Ramazanova.
Aıta keteıik, elordada III ECOJER halyqaralyq kongresi ótip jatyr.
