Jańartylatyn energııa kózderinen óndiriletin elektr qýaty on jylda 16 esege artqan

ASTANA. KAZINFORM - Qazaqstanda jańartylatyn energııa kózderinen (JEK) elektr energııasyn óndirý júıeli túrde damyp keledi. 2025 jyldyń qorytyndysy boıynsha iri sý elektr stantsııalaryn qosa eseptegende, JEK-tiń jalpy elektr energııasyn óndirýdegi úlesi 14,5%-dy qurady.

p
Foto: Energetıka mınıstrligi

Ulttyq statıstıka bıýrosynyń málimetterinshe, iri sý elektr stantsııalaryn esepke almaǵanda, bul kórsetkish 7%-ǵa jetti.

Іri sý elektr stantsııalaryn qosa eseptegende, JEK-ten elektr energııasyn óndirý kólemi 2015 jylǵy 9,5 mlrd kVt·saǵattan 2025 jyly 17,9 mlrd kVt·saǵatqa deıin ósti. Olardyń jalpy elektr energııasyn óndirýdegi úlesi 10,4%-dan 14,5%-ǵa deıin artty.

Sońǵy on jylda iri sý elektr stantsııalaryn esepke almaǵanda, JEK úlesi 2015 jylǵy 0,6%-dan 2025 jyly 7%-ǵa deıin ósti.

-Sonymen qatar osy kózderden óndirilgen elektr energııasynyń kólemi 536,5 mln kVt·saǵattan 8 693,6 mln kVt·saǵatqa deıin, ıaǵnı 16 eseden astam ósken, delingen habarlamada.

Osyǵan deıin elimizde jańartylatyn energetıka úlesi 7%-dan 8,5%-ǵa óskeni týraly jazdyq.