Jańartylatyn energııa kózderi departamentiniń dırektory aýysty
ASTANA. KAZINFORM — Turar Álimjan Jańartylatyn energııa kózderi departamentiniń dırektory qyzmetine taǵaıyndaldy. Bul týraly Energetıka mınıstrliginiń baspasóz qyzmeti habarlady.
Turar Qambaruly Álimjan — «Bolashaq» baǵdarlamasy aıasynda Ulybrıtanııadaǵy University of Southampton ýnıversıtetin «elektroenergetıka» mamandyǵy boıynsha támamdaǵan.
Eńbek jolyn «KEGOC» AQ-da jabdyqtardy jóndeý jónindegi elektroslesar bolyp bastap, keıin qurylys salasynda jáne memlekettik qyzmette jalǵastyrǵan.
Qazaqstan Respýblıkasy Energetıka mınıstrliginde Atomdyq jáne energetıkalyq qadaǵalaý men baqylaý komıtetiniń aýmaqtyq departamentinde bas maman qyzmetinen bastap, Elektroenergetıkany damytý departamentinde basshylyq laýazymdarǵa deıin qyzmet atqardy. Osy kezeńde jylý jáne elektr energetıkasy salalaryn transformatsııalaý jónindegi reformalardy úılestirdi.
Budan buryn Almaty oblysy energetıka jáne sýmen jabdyqtaý basqarmasyna jańa basshysy taǵaıyndalǵanyn jazǵan edik.