Jańartylatyn energııa: bes kásibı standart jobasy daıyn
ASTANA.KAZINFORM — Kásibı standarttardy ázirleý Premer-mınıstr Oljas Bektenovtiń jasandy ıntellekt komponentteri men tsıfrlyq quzyretterdi qamtıtyn 100 kásibı standart ázirleý jáne bekitý jónindegi tapsyrmasy eskerile otyryp júrgizilip otyr.
29 qazanda Energetıka mınıstrliginiń jańartylatyn energııa kózderi salasyndaǵy Kásiptik biliktilikter jónindegi salalyq keńesiniń otyrysy ótti.
Jańartylatyn energııa kózderi salasynda alǵash ret kásibı standarttar ázirlenip jatyr. Salaǵa, tehnologııalyq úderisterge jáne eńbek naryǵynyń qajettilikterine júrgizilgen taldaý negizinde kásipter ataýlary aıqyndalyp, kún jáne jel energetıkasyn, sondaı-aq jasyl sýtekti elektrohımııalyq óndirýdi qamtıtyn bes kásibı standarttyń jobasy daıyndaldy.
Jobalar kún jáne jel elektr stantsııalaryn jobalaý, salý, paıdalanýǵa berý, paıdalaný jáne tehnıkalyq qyzmet kórsetý salalaryndaǵy mamandarǵa, sondaı-aq jasyl sýtek óndirý baǵytyndaǵy mamandarǵa qoıylatyn biliktilik talaptaryn belgileıdi.
Kásibı standarttardy ázirleý Premer-mınıstr Oljas Bektenovtiń jasandy ıntellekt komponentteri men tsıfrlyq quzyretterdi qamtıtyn 100 kásibı standart ázirleý jáne bekitý jónindegi tapsyrmasy eskerile otyryp júrgizilýde.
Jańartylatyn energııa kózderi salasyna arnalǵan jobalarda energetıkany tsıfrlyq transformatsııalaýǵa qatysty talaptar, onyń ishinde tsıfrlyq monıtorıng júıelerin, avtomattandyrylǵan basqarýdy, óndiristik derekterdi taldaýdy jáne jasandy ıntellekt quraldaryn qoldaný máseleleri qamtylǵan.
Otyrysqa qatysýshylar 2027–2029 jyldarǵa arnalǵan jańartylatyn energııa kózderi salasyndaǵy biliktilikter men daǵdylar júıesin damytý jónindegi salalyq jospardy da qarady. Jospar salanyń perspektıvalyq qajettilikterin eskere otyryp, biliktilikterdi damytýǵa jáne kadrlar daıarlaýǵa baǵyttalǵan.
Aldaǵy ýaqytta bes kásibı standarttyń jobasyn kópshilik talqylaýy úshin «Ashyq normatıvtik quqyqtyq aktiler» portalyna ornalastyrý josparlanyp otyr.
Aıta ketelik Qazaqstanda energııa resýrstarynyń shyǵynyn 90%-ǵa qysqartý josparlanyp otyr.
