Janartaýdan qashqan Gavaı aralynyń turǵyndary maldaryn qutqarýda
ASTANA. QazAqparat - Gabaı aralynda Kılaýea janartaýynyń atqylaýy saldarynan evakýatsııalanǵan turǵyndarǵa úılerine oralyp maldaryn, eń qajetti kerek-jaraqtaryn alýǵa ruqsat berildi, dep habarlaıdy euronews.
Budan buryn janartaý aýmaǵynda tirshilik keship jatqan 2 myńǵa jýyq adam evakýatsııalanǵan bolatyn. Tótenshe jaǵdaı qyzmeti qazirgi ýaqytta toǵyz janartaý oshaǵynan balqyǵan otty suıyq zattardyń jáne ýly gazdardyń shyǵyp jatqandyǵyn anyqtady.
AQSh geologııa qyzmeti araldyń ońtústik-shyǵysynda magnıtýdasy 6,9 baldyq jer silkinisi bolǵanyn habarlady. Qaza tapqandar men zardap shekkender jaıly derek joq. Kem degende 26 úı qırady.
