Janartaýdan aqqan lava Palma aralynyń 420 gektar aýmaǵyn basyp qaldy
NUR-SULTAN. QazAqparat - Palma aralyndaǵy janartaý krateriniń soltústik bóliginiń qulaýynan paıda bolǵan jańa lava aǵyndary ózderimen birge taý jynystaryn aǵyzýda. Bul týraly jeksenbide EFE agenttigi Ispanııanyń geologııa jáne mıneraldy resýrstardy barlaý ınstıtýtynyń málimetterine silteme jasap habarlady.
Aıta ketsek, 19 qyrkúıekte El Paso eldi mekeni aýmaǵynda Palma janartaýy oıanǵan edi. Atqylaǵan lava aǵyndary 1000-ǵa jýyq ǵımaratty qıratyp, muhıtqa jetti. Bul atmosferaǵa zııandy gazdardyń shyǵýyna soqtyrdy.
Qazir lava 420 gektardan astam aýmaqty basyp qaldy. Qaýipsizdik maqsatynda araldan 6 myńǵa jýyq adam evakýatsııalandy. Abyroı bolǵanda, eshkim zardap shekken joq.
