Janartaý Ulybrıtanııanyń áýe qatynasyn taǵy da toqtatty
ASTANA. Mamyrdyń 17-si. QazAqparat - Londonnnyń Hıtroý jáne Gatvık áýejaılarynyń jumysy jergilikti ýaqyt boıynsha saǵat 7.00-ge deıin (máskeý ýaqyty boıynsha 10.00-ǵa deıin) toqtatyldy, dep habarlaıdy RBK agenttigi.
Islandııadaǵy janartaýdan kóterilgen kezekti kúl-tozań ońtústikke jyljylýy saldarynan brıtan ókimeti osyndaı shara qabyldaýǵa májbúr bolyp otyr.
Buǵan deıin Brıtanııanyń Manchester, Lıverpýl, Norvıdj jáne Donkaster qalalaryndaǵy áýejaılardyń jabylǵany habarlanǵan bolatyn. Oǵan qosa, Shotlandııada Glazgo qalasyna jaqyn mańdaǵy ortalyq áýejaıy jabyldy. Sondaı-aq Dýblın áýejaıynyń jumysy da ýaqytsha toqtap tur.
Esterińizge sala keteıik, sáýir aıynda Islandııada Eııafıallaıekıýl janartaýynyń oıanýy saldarynan kóterilgen kúl-tozań Eýropadaǵy áýe qatynasyna kedergi bolǵanyn QazAqparat budan buryn habarlaǵan bolatyn. Sodan beri oqtyn-oqtyn áýe qatynastary jabylyp, áýe kompanııalary mıllıardtaǵan dollarǵa jýyq shyǵynǵa batyp otyr.
