«Janarsyz da jaryq álem»: Zaǵıp jandar arasynda jazýdan saıys ótti
QYZYLORDA. QazAqparat - Qyzylorda oblystyq zaǵıp jáne nashar kóretin azamattarǵa arnalǵan arnaýly kitaphanasynda Dúnıejúzilik kóz múgedekteri kúnine oraı «Janarsyz da jaryq álem» atty Braıl júıesi boıynsha jazýdan saıys ótkizildi, dep habarlady QazAqparat tilshisi.
Básekege qatysýshylardyń basym kópshiligi ózdigimen úırengen oqyrmandar. Óıtkeni, kóz múgedekterine arnalǵan mektep Almaty qalasynda bolǵandyqtan oqyrmandar kitaphana janynan qurylǵan «Braıl úıirmesinde» daıyndalady. Sharany kitaphana dırektory Nurlan Baqtııarov ashyp, saıysqa qatysýshylarǵa sáttilik tiledi. Shara barysynda «Úzdik oqyrman» nomınatsııasymen belsendi oqyrmandar marapattaldy. Báseke sońy kitaphana qyzmetkerleriniń qatysýymen kontserttik baǵdarlamaǵa ulasty.
Atalǵan sharanyń óz deńgeıinde ótýine "Abzal Proekt-Konsaltıng" JShS-niń dırektory Murat Sársenbaev, «Áleýmettik tólemderdi vedomstvoaralyq esepteý ortalyǵy» departamentiniń dırektory Salkadın Myrzabekov, JShS «SMP-Qyzylorda» dırektory Temirhan Álimqulov demeýshilik jasady.
