«Janarmaıdyń bitpeıtin jyry» - respýblıkalyq basylymdarǵa sholý
ASTANA. Qazannyń 27-si. / QazAqparat/ Qazaq aqparat agenttigi respýblıkalyq basylymdarda qazannyń 27-si, seısenbi kúni shyqqan ózekti materıaldarǵa sholýdy usynady.
«Keshe Astanadaǵy Beıbitshilik jáne kelisim saraıynda Qazaqstan halqy Assambleıasynyń XV sessııasy boldy. Onda memleket basshysy, Qazaqstan halqy Assambleıasynyń Tóraǵasy Nursultan Nazarbaev «Ulttyq birlik - bizdiń strategııalyq tańdaýymyz» degen taqyrypta baıandama jasady». «Egemen Qazaqstan» basylymynyń búgingi sanynda osy baıandama tolyq jarııalanyp otyr.
Osy taqyryp «Aıqyn», «Astana aqshamy» gazetteriniń de nazarynan tys qalmaǵan.
«Q. Toqaev keshe Búkil Reseı jáne Máskeý Patrıarhynyń vıkarııi, Volokolam Arhıepıskopynyń syrtqy shirkeýler qatynastary bóliminiń tóraǵasy Illarıonmen jáne áriptesi - Reseı federatsııasy federaldy Jıyny Federetsııa Keńesiniń Tóraǵasy Sergeı Mıronovpen kezdesti». Kezdesýdiń egjeı-tegjeıin «Kórshi eldegi kezdesýler» degen taqyryptaǵy maqaladan oqyńyzdar.
***
«Aıqyn» basylymyndaǵy «Besshatyrdy» saqtap qalý qajet!» degen taqyryppen berilgen maqalada qazaq halqy tarıhynyń ajyraǵysyz bir butaǵy bolyp tabylatyn «Besshatyr» saq obalarynyń búgingi jaıy alańdatatyndyǵy aıtylypty. «Eń ókinishtisi, saqtar patshalyǵynyń úrim - butaǵy jerlengen osynaý baǵa jetpes tarıhı obalardyń úsheýi keshegi Keńestik kezeńde býldozermen buzylyp, jermen-jeksen boldy», - deıdi «Tabıǵat» ekologııalyq odaǵynyń tóraǵasy Mels Qamzauly.
***
- Iá, «Sýretshiler úıi» degenimiz teatr sııaqty kıeli ónerdiń úlken bir qarashańyraǵy ǵoı. Biraq, zaman ózgerdi me, taǵlym tozdy ma, áıteýir búginde Úkimet te, halyq ta sýretshiler qaýymynan teris aınalǵandaı kúıge kýá bolyp otyrmyz, - deıdi QR Sýretshiler odaǵynyń múshesi, Astana Sýretshiler odaǵynyń tóraǵasy Talǵat Tókenuly Bajaqupov. Astana Sýretshiler odaǵynyń keshegisi men búgini haqynda «Astana aqshamy» basylymynyń búgingi sanyndaǵy «Órken jaıǵan ónerdiń jaıy» taqyrybymen berilgen suhbattan oqyńyzdar.
***
«Altyn orda» aptalyǵynyń búgingi sanyndaǵy «Janarmaıdyń bitpeıtin jyry» taqyrybymen berilgen suhbatta Senat depýtaty Tasbaı Sımambaev «janar-jaǵarmaı problemasyn qalaı sheshýge bolady?» degen másele tóńiregindegi oılaryn ortaǵa salǵan.
Osy basylymda: «Farıza, seni anań «Fárý» dep ataǵan eken, kýrstas qurdastardyń biri Rýhııa da «Fárý» dep ataıtyn. Aldaǵy sózderimde «Fárý» dep qaratpa jasap otyramyn. Fárý! Qandaı tamasha sóz! «Osyndaı atty ıemdengen adam tegin emes-aý?!» dep, kez-kelgen adam estise, eleń ete qalary sózsiz», - dep jazady Farıza Ońǵarsynovanyń ómiri men shyǵarmashylyǵyna arnalǵan «Farıza!» atty maqalasynda áıgili aqynnyń kýrstasy Qadyr Júsip.
«Jeztyrnaq, aıdahar jáne syǵan kempir». Osy taqyryppen berilgen atalmysh basylymdaǵy kelesi maqala Shý qalasynyń turǵyny Asqarbek Qasymulynyń basynan ótken tylsym jaıttardy baıandaıdy.
Qazaqstan halqy Assambleıasynyń 15-shi sessııasy týrasynda orys tildi «Ekspress K», «Vremıa», «Izvestııa Kazahstan», «Kazahstanskaıa pravda» basylymdary da keńinen jazdy.
Mysaly, «Kazahstanskaıa pravda» gazetiElbasy usynǵan ulttyq birlik doktrınasy óte der ýaǵynda jáne ózekti másele ekenin atap kórsetken Memlekettik hatshy-syrtqy ister mınıstri Qanat Saýdabaevtyń sózin keltirgen.
Al «Izvestııa Kazahstan»gazeti NursultanNazarbaev usynǵan jetekshi jýrnalıst-sarapshylardyń ultaralyq máseleler jónindegi klýbyn qurý usynysyna nazar aýdarady.
Assambleıada kóterilgen osy jáne basqa da máseleler týrasynda "Lıter", "Ekspress-K" gazetterinen de oqýǵa bolady.
