Janarmaıdyń aktsız mólsherlemelerin arttyrýdan qandaı paıda bar
NUR-SULTAN. QazAqparat – «Benzınge (avıatsııalyq benzındi qospaǵanda), dızel otynyna, gazoholǵa, benzanolǵa, munaı eritkishine, jeńil kómirsýlar qospasyna jáne ekologııalyq otynǵa arnalǵan aktsızder mólsherlemelerin bekitý týraly» Qazaqstan Respýblıkasy Úkimetiniń 2018 jylǵy 6 sáýirdegi № 173 qaýlysyna ózgeris engizý týraly» Qazaqstan Respýblıkasynyń Úkimeti qaýlysynyń jobasyna túsindirme jarııalandy.
Memleket basshysy Q.Toqaevtyń 2022 jylǵy 11 qańtardaǵy Qazaqstan Respýblıkasy Parlamenti Májilisiniń otyrysynda bergen tapsyrmasyn oryndaý úshin Qazaqstan Respýblıkasynyń Ulttyq ekonomıka mınıstrligi Qazaqstan Respýblıkasy Úkimetiniń 2018 jylǵy 6 sáýirdegi № 173 qaýlysyna ózgeris engizý týraly» Qazaqstan Respýblıkasynyń Úkimeti qaýlysynyń jobasyn ázirledi.
Jobada mynalar kózdelgen:
- óndirýshilerdiń benzındi, gazoholdy, benzanoldy, munaı eritkishin, jeńil kómirsýlar qospalary men ekologııalyq otyndy kóterme saýdada ótkizýine arnalǵan aktsızder mólsherlemesin 1 tonnasyna 24 435 teńgeden 38 134 teńgege deıin ulǵaıtý;
- óndirýshilerdiń dızel otynyn kóterme saýdada ótkizýine arnalǵan aktsızder mólsherlemesin 1 tonnasy úshin 9 300 teńgeden 35 726 teńgege deıin ulǵaıtý;
- dızel otynyna aktsızderdiń maýsymdyq ózgerýin boldyrmaý;
- dızel otynynyń ımportyna aktsızderdiń teń mólsherlemesin belgileý;
- dızel otynyna EAEO SEQ TN kodtaryn naqtylaý.
Aktsız mólsherlemelerin ulǵaıtý memlekettiń áleýmettik-ekonomıkalyq mindetterin iske asyrýdy qamtamasyz etý úshin bıýdjetke qosymsha qarajat tartýǵa múmkindik beredi.
Bul rette, «Baǵalaryna memlekettik retteý belgilengen bólshek saýdada ótkiziletin munaı ónimderine shekti baǵalardy belgileý týraly» Qazaqstan Respýblıkasy Energetıka mınıstriniń 2015 jylǵy 19 mamyrdaǵy № 361 buıryǵyna ózgeris engizý týraly» Qazaqstan Respýblıkasy Energetıka mınıstriniń m.a. 2022 jylǵy 6 qańtardaǵy № 2 buıryǵyna sáıkes, JJM bólshek saýdada ótkizýge shekti baǵalar belgilendi, sondyqtan janar-jaǵarmaı baǵasy kóterilmeıdi.
