Janarmaı tapshylyǵy máselesi apta sońyna deıin sheshilýi tıis - L.Turlashev
TALDYQORǴAN.QazAqparat - Almaty oblysynda 335 janarmaı quıý beketi bar. Onyń 134-inde benzınmen qosa gaz quıylady. Qazir beketterde 22 myń tonnadan astam janarmaı qory bar, dep habarlaıdy QazAqparat tilshisi.
«Ótken aptanyń beısenbisinen bastap, Almaty oblysy aýmaǵynda janarmaı tapshylyǵy máselesi týyndady. Onyń eń basty sebebi, elimizdegi eń iri - Pavlodar munaı óńdeý zaýytynyń jóndeý jumystarynyń toqtaǵany. Sonyń saldarynan, óndiriletin benzın azaıdy. Osyndaı jaǵdaıda suranys ta ósip ketedi. «Benzın joq» degendi estigen halyq japa-tarmaǵaı benzın alýǵa umtylyp, suranys ádettegiden 2-3 esege ósip ketti. Degenmen, jaǵdaı tolyq baqylaýda. Energetıka mınıstrliginen de, jergilikti ákimdikten de salaǵa jaýapty mamandar bekitilgen. Qazir suranysty qanaǵattandyrý úshin barlyq jaǵdaı jasalyp jatyr». Búgin jýrnalısterge arnaıy baspasóz-máslıhatyn ótkizgen Almaty oblysy ákiminiń birinshi orynbasary Lázzat Turlashev osylaı dedi.
Máslıhatqa Almaty oblysynyń Kásipkerlik jáne ındýstrııaldy-ınnovatsııalyq damý basqarmasynyń basshysy Alımjan Tohtasýnov, oblystyq energetıka jáne turǵyn úı-kommýnaldyq sharýashylyq basqarmasynyń basshysy Áset Qanaǵatov jáne Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Almaty oblysy boıynsha departamentiniń basshysy Tursynbaı Galınov qatysty.
«Oblys aýmaǵynda 335 janarmaı beketi bar. Onyń 134-inde benzınmen qosa gaz quıylady. Qazir beketterde 22 myń tonnadan astam janarmaı qory bar. Oblys aýmaǵynda AI-92 markaly benzın baǵasy 147-159 teńge aınalasynda tur. «Gazpromneft» beketterinde benzın quıýda esh másele joq», deıdi Kásipkerlik jáne ındýstrııaldy-ınnovatsııalyq damý basqarmasynyń basshysy Alımjan Tohtasýnov.
«Búginde úkimet bop, jergilikti ákimdikter bul máseleni qatań baqylaýda ustap otyrmyz. Qazir suranys ımportpen jabylyp jatyr. Sol sebepti, janarmaı baǵasy qymbattady. Memleket baǵanyń sharyqtap ketpeýin qadaǵalap otyr. Osy aptanyń sońyna deıin másele tolyq sheshimin tabady dep oılaımyn», - dedi oblys ákiminiń birinshi orynbasary L.Turlashev.
