Janarmaı tapshylyǵy elorda júrgizýshilerin búrseń qaqtyrýda
ASTANA. QazAqparat - Aıazdyń qysqany emes, janarmaı tapshylyǵy elorda júrgizýshilerin búrseń qaqtyrýda. AI-92 markaly benzındi qolma-qol aqshaǵa tabý qıyndady, dep habarlaıdy 24.kz.
Qala ákimi Áset Iskeshev áleýmettik jeli arqyly áleýmetke ún qatypty. Elordada janarmaı qat! Dálirek aıtsaq, AI-92 benzıniniń jetispeýshiligi baıqalady. Maı quıý beketteriniń kóbi kólikterdi keri qaıtarýda. Birdi-ekili jerde bar kórinedi. Suranystyń artý saldarynan sala-qulash kezek paıda bolǵan.
«Kesheli beri osylaı. Kezek kóp. Keshe kóptegen beketterde benzın bolmady. Júrdik. Іzdedik. Endi osynda keldik,-deıdi Astana qalasynyń turǵyndarynyń biri Nazar Abýlhaırov.
Astana ákimi Áset Isekeshov máseleniń neden týyndaǵanyn bylaısha túsindiredi: «Aýa raıynyń kúrt sýýyna baılanysty qalanyń keıbir janarmaı quıý stantsııalarynda ortasha tutyný kórsetkishi JJM qorynan asyp tústi. Qazirgi ýaqytta «Qazmunaıgaz» AQ qalaǵa əkelinetin AI-92 benzıniniń mólsherin arttyrý boıynsha jumys júrgizilip jatyr. Búginde AI-92 markaly benzıniniń baǵasy lıtrine 130-135 teńge», dep jazady - ol Feısbýktegi paraqshasynda.
Jaǵdaı «Qazmunaıgaz» AQ Astana qalasynyń əkimdigi jəne Energetıka mınıstrliginiń baqylaýynda. Barlyq taraptardyń qatysýymen, ıaǵnı memlekettik organdar, janar-jaǵarmaı tasymaldaýshylar jınalys ótkizip, qysqy merzimge is-qımyl josparyn pysyqtaıtynyn da aıtypty. Qazir ahýal durystalyp keledi degen de aqpar júr. Tapshy janarmaıdy beketterge jetkizip jatqan kórinedi. Aıtpaqshy, Petropavlda da tapshylyq tartyp otyr. Bir qolǵa jıyrma lıtr ǵana beriledi. Energetıka mınıstrligi jaǵdaı jaqyn arada retteledi depti.
