Janarmaı stansasyna qaraqshylyq shabýyl jasaǵan polıtseı bolyp shyqty
ASTANA. QazAqparat - QR Іshki ister mınıstrligi janar-jaǵarmaı stansasyna qaraqshylyq shabýyl jasaǵan qyzmyskerdiń áreketi úshin keshirim surady, dep xabarlaıdy QazAqparat tilshisi.
Mınıstrliktiń resmı ókili Almas Sádýbaevtyń aqparatyna sáıkes, krımınaldy polıtsııa qyzmetkerleri Astana-Kókshetaý tasjolyndaǵy janar-jaǵaramaı stansasyna qaraqshylyq shabýyl jasaǵan kúdiktini ustady. Qazirgi kezde ony ýaqytsha qamaý abaqtysynda ustap otyr.
«Shabýyl kezinde ol betperdeni qıip alyp, kassırdi qarýmen qorqytqan. Sóıtip, 1 mıllıon teńge kólemindegi aqshany úptep ketti. Ókinishke qaraı, ustalǵan azamat polıtsııa qyzmetkeri - Shortandy aýdandyq ishki ister bólimi ýaqytsha qamaý ızolıatorynyń bastyǵy bolyp shyqty», - deıdi A.Sádýbaev.
Onyń aıtýynsha, qarý-jaraq pen urlanǵan aqsha tárkilendi. Qazirgi kezde sotqa deıingi tergeý sharalary atqarylyp jatyr.
«Bizdiń qyzmetkerimiz jasaǵan zańsyz áreketi úshin xalyqtan keshirim suraımyz», - dep atap kórsetti A.Sádýbaev.
