Janarmaı satylymyn shekteý nemese jasyryp qoıý máselesi Úkimette talqylandy
Energetıka mınıstri Almasadam Sátqalıevtiń baıandaýynsha, qazirgi ýaqytta respýblıkada 309 myń tonna dızel otynynyń jıyntyq qory bar. Sáýir aıynda taǵy 441 myń tonna otyn óndirilmek.
Osylaısha, osy aıda dızeldiń jalpy kólemi shamamen 750 myń tonna, al boljam boıynsha tutyný kólemi aýyl sharýashylyǵy taýaryn óndirýshiler men QTJ qajettilikterin qosa eseptegende, shamamen 510 myń tonnany quraıdy.
Mınıstrdiń málimetinshe, 7 sáýirdegi jaǵdaı boıynsha 415 janarmaı quıý stantsııasynda dızel otyny bolmaǵan, bul – elimizdegi 3 163 nysannyń 13%-y.
Energetıka mınıstrligi tapshylyqty tez arada joıý úshin janarmaı quıý stantsııalaryn qosymsha otynmen qamtamasyz etý maqsatynda óńirler ákimdikterinen ótinimder jınady.
Sondaı-aq memleket óńdeý kásiporyndarynda óndiris turaqtylyǵyn qamtamasyz etý úshin barlyq sharany qabyldap jatyr. Atap aıtqanda, Shymkent MÓZ-in jóndeý jumystary merziminen buryn aıaqtalyp, munaı ónimderin jóneltý bastalyp ketti. Bul rette aýyl sharýashylyǵy taýaryn óndirýshiler men otyn tapshylyǵy bar óńirlerdegi janarmaı quıý beketterine basymdyq beriledi.
«QazMunaıGaz» UK» AQ basqarma tóraǵasy Maǵzum Myrzaǵalıevtiń aıtýynsha, sońǵy kúnderi oryn alǵan tapshylyq janarmaı quıý stantsııalary ıeleriniń baǵa aıyrmashylyǵynyń qysqarýyn kútip, munaı bazalaryndaǵy otyn qoryn jasyryp qalýyna baılanysty bolyp otyr. Osylaısha, jeke munaı bazalarynda elde bar dızel otyny kóleminiń 73%-y jınaqtalǵan.
Qarjy vıtse-mınıstri Erjan Birjanovtyń aqparatynsha, ótken aptada 3 myńnan astam janarmaı quıý stantsııasyna taldaý júrgizilgen. Bul rette otyn bola tura, saýda-sattyq kólemi azaıyp ketken nysandarǵa erekshe nazar aýdaryldy. ıAǵnı satýdy shekteý belgileri oryn alǵan.
Elimiz boıynsha barlyǵy osyndaı 152 janarmaı quıý beketi anyqtaldy.
Barlyq fakti boıynsha tıisti sharalar qabyldanyp jatyr.
Roman Sklıar óńirdegi shtabtar belsendi túrde áreket etip, turaqty reıdter ótkizýi kerek ekenin atap ótti.
«Alyp-satarlyqqa jáne munaı bazalarynda otyndy «ustap turýǵa» jol bermeý kerek, óıtkeni bul eldiń energetıkalyq qaýipsizdigine tikeleı áser etedi. MKK, QMA jáne BQDA-dan janarmaı quıý stantsııasyndaǵy jaǵdaıdy baqylaýdy kúsheıtýdi suraımyn. Janar-jaǵarmaı materıaldary bola turyp, ony satpaı otyrǵan nysandar anyqtalsa, olardy zań boıynsha jaýapqa tartý kerek. «QazMunaıGaz» jáne QTJ zaýyttardan josparlanǵan janar-jaǵarmaı materıaldarynyń kólemin, ásirese dızel otynyn ýaqytyly jáne tolyǵymen jóneltýdi jáne jetkizýdi qamtamasyz etýi qajet», — dedi R.Sklıar.
