Janarmaı salasyn deldaldar ıemdenip ketpeýi qajet – Memleket basshysy

ASTANA. QazAqparat – Úkimet munaı ónimderiniń baǵasyn qaıta qaraý kezinde memleketke tólenetin salyqty arttyrý jóninde qosymsha sharalar qabyldaýy tıis. Bul týraly eldiń áleýmettik-ekonomıkalyq máseleleri jónindegi keńeıtilgen keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Jurt kommýnaldyq qyzmet úshin tólegen aqshasy qaıda ketip jatqanyn kórip otyrýǵa tıis. Qazirgi zamanǵy aqparattyq tehnologııa buǵan tolyq múmkindik beredi. Janar-jaǵarmaıdyń baǵasyn kóterý máselesine de dál osylaı qaraǵan jón. Túsken qarjyny deldaldar, ıaǵnı alypsatarlar ıemdenip ketpeýi qajet. Ony jańa munaı-gaz jobalaryn júzege asyrýǵa jáne munaı óńdeý zaýyttaryn jańǵyrtýǵa jumsaý kerek», - dedi Qasym-Jomart Toqaev.

Osy oraıda Prezıdent Úkimet munaı ónimderiniń baǵasyn qaıta qaraý kezinde memleketke tólenetin salyqty arttyrý jóninde qosymsha sharalar qabyldaýy tıis ekenin aıtty

«Jalpy, tarıf saıasaty boıynsha Úkimetke taýarlar men qyzmetterdi retteıtin «tutynýdyń áleýmettik normasyn» engizý máselesin pysyqtaýdy tapsyramyn. Bul – halyqaralyq tájirıbe», - dedi Memleket basshysy.

Prezıdent kásipkerlerge arnalǵan «Ekonomıkalyq lıft» uǵymyn engizýdi tapsyrdy