Janarmaı quıý beketindegi shabýyl: kúdikti qamaýǵa, jábirlenýshi kúzetke alyndy
ASTANA. KAZINFORM — Jambyl oblysynyń Merki aýdanynda janarmaı quıý beketinde sýyq qarýdy qoldaný arqyly jasalǵan shabýyl faktisi boıynsha ishki ister organdary qylmystyq isti tergep jatyr. Bul týraly ІІM baspasóz qyzmeti habarlady.
Kúdikti izin sýytpaı ustalyp, sottyń sanktsııasymen qamaýǵa alyndy.
— Osy fakti boıynsha Qylmystyq kodekstiń 293-babynyń 3-bóligi boıynsha (pyshaqpen jasalǵan buzaqylyq) 7 jylǵa deıin bas bostandyǵynan aıyrýdy kózdeıtin qylmystyq is qozǵaldy, — delingen habarlamada.
Qylmystyq is Jambyl oblysy PD Tergeý basqarmasynyń óndirisine qabyldandy, jedel-tergeý toby quryldy.
— Jedel-tergeý tobynyń jumysyn úılestirý úshin aımaqqa ІІM ortalyq apparatynyń qyzmetkerleri jiberildi. Oqıǵany tolyq jáne jan-jaqty tergeý qamtamasyz etiledi. Kúdiktiniń is-áreketin qaıta saralaý týraly másele tergeý áreketteriniń nátıjesi jáne qadaǵalaý organynyń kelisimi boıynsha qaralatyn bolady. Sonymen qatar advokattyń ótinishi boıynsha jábirlenýshige polıtsııa qyzmetkerleri qatarynan kúzet qamtamasyz etildi, — delingen habarlamada.
Tergeý barysy Іshki ister mınıstriniń erekshe baqylaýynda.
Aıta ketelik Bas prokýror qylmys órship turǵan óńirlerdi ataǵan edi.