Janarmaı quıý beketiniń janynan náreste tabyldy - Qostanaı
QOSTANAI. QazAqparat - Rýdnyı qalasyndaǵy janarmaı quıý beketiniń mańynan jańa týǵan sábı tabyldy, dep habarlaıdy QazAqparat oblystyq densaýlyq saqtaý basqarmasynyń qoǵammen baılanys bólimine silteme jasap.
«9 qyrkúıekte saǵat 22.25-te Sandrıgaılo kóshesindegi janarmaı quıý beketiniń janynan jańa týǵan náreste tabylǵany jóninde habar kelip tústi. Sábıdiń salmaǵy shamamen 3 keli, boıy - 50-52 sm», - dedi basqarma mamany Ksenııa Jylqybaeva.
Belgili bolǵandaı, qyz balany janarmaı stansasynyń artqy jaǵyndaǵy aǵashtardyń arasyna tastap ketken. Qazir ol Rýdnyı qalalyq perınataldy ortalyǵynda jatyr. Jaǵdaıy birqalypty.
