Janarmaı baǵasynyń shekti baǵasyn sáýir aıynan bastap monopolııaǵa qarsy agenttik bekitetin bolady

Búgin Májiliste «Іshki naryqty munaımen jáne munaı ónimderimen qamtamasyz etý» jáne  «Qarashyǵanaq jobasynyń úlesin memlekettiń satyp alýy» taqyryptaryndaǵy Úkimet saǵaty barysynda Munaı jáne gaz mınıstri Saýat Myńbaev osylaı málim etti.

S. Myńbaevtyń aıtýyna qaraǵanda, byltyr qabyldanǵan sharalarǵa sáıkes, eldiń ishki naryǵyndaǵy baǵany turaqtandyrý maqsatynda janarmaıdyń shekti baǵasyn Munaı jáne gaz mınıstrligi bekitip keldi.

«Buǵan deıin jumys tobynyń sheshimimen shekti baǵa bekitilip, ondaı qaýlyǵa mınıstr retinde meniń qolym qoıylyp keldi. Endigi kúni, ıaǵnı sáýir aıynan bastap benzınniń shekti baǵasyn bekitetin quzyrly organ - Tabıǵı monopolııalardy retteý agenttigine beriledi», - dedi S. Myńbaev.