«Janarmaı baǵasynyń shegi belgilenedi» - respýblıkalyq basylymdarǵa sholý
***
«Keshe Aqordada Elbasy Nursultan Nazarbaev Polsha Respýblıkasynyń, Úndistan Respýblıkasynyń, Aýǵanstan Islam Respýblıkasynyń, Latvııa Respýblıkasynyń Qazaqstandaǵy Tótenshe jáne ókiletti elshileri ıAtsek Klıýchkovskı, Ashok Kýmar Sharma, Sohrab Alı Safarı, ıÝrıs Maklakovstan, sondaı-aq BUU Damý baǵdarlamasynyń Turaqty ókili Stıven Týlldan Senim gramotalaryn qabyldady», - dep jazady «Egemen Qazaqstan» gazeti. Gramotalardy qabyldaý rásiminde sóz sóılegen Elbasy: «Biz óz táýelsizdigimizdiń jıyrmasynshy jylyna aıaq bastyq. Bul jyldar bizdiń qoǵamymyzǵa jáne barsha qazaqstandyqtarǵa úlken ózgerister men tolymdy tabystar ákeldi. Búgin biz osy zamanǵy, jańarǵan memlekette ómir súrip jatyrmyz», - dep atap kórsetken.
Qazaq «óz úıim, keń saraıdaı boz úıim» dep beker aıtpasa kerek. Óıtkeni baspana máselesi qaı ýaqytta bolmasyn úlken ról atqarady. Aqpan aıynda Úkimette eldiń erteńi sanalatyn jastar men qarapaıym buqara qol jetkize alatyn, baǵasy tıimdi úılerdi salýǵa baılanysty jańa baǵdarlama qabyldanǵan bolatyn. Mine, osyǵan oraı keshe Elbasy Nursultan Nazarbaev turǵyn úı qurylysyn damytýdyń 2011-2014 jyldarǵa arnalǵan jańa baǵdarlamasy jáne jańa ereje boıynsha salynyp jatqan «Jaǵalaý-3» turǵyn úı kesheninde boldy. Bul jaıynda «Egemen Qazaqstan» gazetiniń beısenbilik sanyndaǵy «Qoljetimdi úıler kóbeıe túspek» degen maqaladan egjeı-tegjeıli bile alasyzdar.
***
Sońǵy kezdegi álemdik BAQ habarlarynyń ózegine aınalǵan eki taqyryp bolsa, biri - Japonııadaǵy, ekinshisi - Soltústik Afrıka elderindegi jaǵdaı. Soltústik Afrıka elderi qıynshylyqty «ózderi qalap alǵandar» bolsa, al Japonııa tabıǵattyń tosyn minezimen «kúresti». Osy oraıda «Aıqyn» gazeti taǵdyrdyń dál osy syny «naryqtyq qoǵamdaǵy ult, jeke tulǵa qandaı bolýy kerek» degen suraqqa jaýap bergendeı bolǵandyǵyn eskerip, japondardyń qandaı isterinen, qasıetterinen erekshelengendigi týrasynda áńgime órbitken. Nazar salyńyz, maqala «Japon sabaǵy» degen taqyryppen berilgen.
Ortalyq Azııa taqyryby qazir qyzyǵýshylyq týdyryp otyr. Oǵan aımaqtyq geosaıası jáne geostrategııalyq ornalasýy bir jaǵynan, al álemniń ózge tarapyndaǵy ahýal ekinshi jaǵynan yqpal etýde. Taıaý Shyǵys oqıǵasy, arab álemine tóngen zulmat Qazaqstanǵa, jalpy Ortalyq Azııa aımaǵynyń aldaǵy damýyna qalaı áser etpek? Dál osy saýalǵa elimizdiń birqatar sarapshylary «Aıqyn» gazeti arqyly óz pikirlerin bildirgen. Máselen, saıasattanýshy Ázimbaı Ǵalı birqatar BAQ-ta Ortalyq Azııa memleketteri birtutas ıntegratsııaǵa birikpeıdi degen pikir beleń alýda ekendigin aıta kele: «Olar Ortalyq Azııanyń negizgi memleketteri AQSh pen Qytaıdyń yqpalynda ketedi, al Qazaqstan Reseıdiń yqpaldastyq aımaǵyna aınalady dep sáýegeılendi. Bizdiń oıymyzsha, bul pikirler qate aıtylǵan, múmkin, qazirgi kezeńdegi ekonomıkalyq-áleýmettik jaǵdaıdy paıdalanyp qalý úshin jorta shyǵarylǵan teris kózqaras bolýy múmkin», - deıdi. Maqala «Bestiktiń» táýelsizdik tarıhy birigýden bastalady!» degen taqyryppen berilgen.
***
«Keshe Úkimet úıinde atom energııasyn beıbit paıdalaný maqsatyndaǵy Qazaqstan men Reseıdiń birlesken keshendi baǵdarlamasy rásimdeldi», - dep jazady «Alash aınasy» gazeti búgingi nómirindegi «Qazaq dalasynda AES salynsa, Reseı kómek qolyn sozýǵa daıyn» degen maqalada. Basylymnyń baıandaýynsha, baǵdarlamaǵa qol qoıǵan «RosAtomProm» memlekettik korporatsııasynyń bas dırektory Sergeı Kırıenko bul qujattyń atom energııasyn beıbit maqsatqa paıdalaný úshin qolǵa alynǵan keshendi baǵdarlamanyń ekinshi kezeńi ekendigin basa aıtqan. «Osy ýaqytqa deıin biz Qazaqstanda tabıǵı ýrandy geologııalyq zertteý jáne óndirý boıynsha birqatar kásiporyndardy qurdyq. Endi Reseıde tabıǵı halyqaralyq ýran baıytý ortalyǵyn ashyp otyrmyz», - dep atap ótken S.Kırıenko.
«Alash aınasy» gazetiniń jazýynsha, Májilistiń keshegi sársenbilik otyrysynda depýtattar úsh kelisimdi maquldap, Senatqa attandyrdy. Bunyń ekeýi Biryńǵaı ekonomıkalyq keńistiktegi munaı men gaz máselesin qamtysa, sońǵysy qylmystyq áreketten túsetin tabystardy zańdastyrýdyń jolyn kesetin konventsııa. Bul jaıynda egjeı-tegjeıli basylymnyń beısenbilik nómirindegi «Janarmaı baǵasynyń shegi belgilenedi» degen maqaladan bile alasyzdar.
***
«Kazahstanskaıa pravda» gazetiniń jazýynsha, keshe Memlekettik hatshy - Syrtqy ister mınıstri Qanat Saýdabaev Qazaqstannyń kezekten tys prezıdenttik saılaýyn baqylaý jónindegi EQYU mıssııasynyń úılestirýshisi, EQYU Parlamenttik Assambleıasynyń baıqaýshylar delegatsııasynyń jetekshisi Tonıno Pıtsýlamen kezdesti. Kezdesýde Q.Saýdabaev EQYU PA múshe memleketterdiń arasyndaǵy qarqyndy damyp kele jatqan ózara túsinistik pen yntymaqtastyqty aıta kelip, ótken jylǵy EQYU-daǵy tóraǵalyǵy kezinde elimizdiń bastamalaryna barynsha qoldaý kórsetkeni úshin jáne eki jaqty múddeli baılanys ornatýǵa járdemdeskeni úshin alǵysyn bildirdi.
