Janarmaı baǵasyn retteýdi joıý - ishki naryqtaǵy dızel otyny tapshylyǵyna jol bermeıdi - sarapshy

ALMATY. QazAqparat - Qazaqstanda janarmaı baǵalaryn memlekettik retteýdi joıý - ishki naryqta dızel otynynyń tapshylyǵyna jol bermeýge septigin tıgizedi.

Bul týraly búgin «QazAqparat» tilshisine bergen suhbatynda munaıgaz salasyndaǵy belgili sarapshy Sergeı Smırnov málim etti.      

«Bul jerde basty maqsat - naryqty janarmaı tapshylyǵynan aryltý. Buǵan deıin janarmaı tapshylyǵyna baǵany memleket tarapynan retteý arqyly jol berilmeı keldi. Biraq, sonyń saldarynan Úkimet jıi synǵa ushyraıtyn», - dedi S. Smırnov.

Onyń aıtýynsha, eger janarmaı tapshylyǵy oryn almaǵanda Úkimet baǵany retteýge bas qatyryp jatpas edi.

«Kezinde elimizde AI-92 benzınine qatysty dál osyndaı tapshylyq jaǵdaıy oryn alǵany belgili. Sonda baǵany memleket tarapynan retteý júıesin alyp tastaý arqyly benzın tapshylyǵy joıyldy. ıAǵnı, Qazaqstanda naryqtyq ekonomıka ekeni aıtylyp, baǵa erkin aınalymǵa jiberilgen edi. Degenmen, memlekettiń janarmaı baǵasyn báribir baqylaýda ustaıtyny aıtpasa da túsinikti», - dedi sarapshy.

Onyń aıtýynsha, 2015 jyly benzın baǵasy qambattaǵan kezde, memleket janar maı quıý beketterin baǵany arzandatýǵa májbúrlegen.    

Qazir, sarapshynyń pikirinshe, dızel otynyna qatysty da dál sondaı jaǵdaı qalyptasyp jatyr. Eger onyń baǵasy aldaǵy ýaqytta qymbattaıtyn bolsa, ol keıin mindetti túrde túsedi. Biraq, báribir dál qazirgi qalyptasqa baǵadan joǵary bolady. 

Ol sonymen qatar, burynǵy Energetıka mınıstri Vladımır Shkolnık tusynda da dızel otynyna qatysty baǵany qaıta retteý máselesi kóterilgendigin aıtty.

«Bıyl mine, mamyr aıynda Úkimet dızel otynyna jáne AI-80 benzınine qatysty baǵany retteý júıesin alyp tastaý máselesi qaralyp jatqanyn ashyq málimdedi», - dedi S. Smırnov.

Aıta ketelik, qazirgi tańda Qazaqstanda avtokólikterge janarmaı quıý stansalarynda dızel otyny 1 lıtri 99 teńgeden satylyp jatyr.