Janarmaı baǵasyn ósirip jibergen Qaraǵandy áýejaıy 81 mln teńge aıyppul tóledi

QARAǴANDY. QazAqparat - Básekelestikti qorǵaý jáne damytý agenttiginiń Qaraǵandy oblysy boıynsha departamenti «Sary-Arqa» áýejaıy» AQ-na qatysty tergeý júrgizdi. Onyń barysynda kompanııanyń 2018-2019 jyldary ishki áýe jelileri boıynsha avıaotynǵa monopolııalyq joǵary baǵa belgilegeni anyqtalyp, is qozǵaldy, dep habarlaıdy QazAqparat.

Sol sebepti Qaraǵandy qalasynyń ákimshilik ister jónindegi mamandandyrylǵan aýdanaralyq sotynyń qaýlysymen «Sary-Arqa» áýejaıy» AQ ákimshilik jaýapkershilikke tartyldy.

Onyń 50 240 000 (elý mıllıon eki júz qyryq myń) teńge mólsherinde monopolııalyq tabysy tárkilenip, 31 104 912 (otyz bir mıllıon bir júz tórt myń toǵyz júz on eki) teńge ákimshilik aıyppul salyndy.

Sot qaýlysy zańdy kúshine engen soń áýejaı 50 240 000 (elý mıllıon eki júz qyryq myń) teńge mólsherinde monopolııalyq tabysty tóledi.

Sottyń uıǵarymy boıynsha ákimshilik aıyppul bólip tólendi. Bul týraly 30 qańtarda áýejaı departamentke rastaıtyn qujattary bar hat usyndy.

Osylaısha, memleket kirisine jalpy somasy 81 344 912 teńge aıyppul óndirildi.

Foto: gov.kz