Janarmaı baǵasynyń ósýinen alǵan ústeme kiris memleket paıdasyna ishinara bólinedi

ASTANA. KAZINFORM – Janarmaı baǵasynyń ósýinen alynǵan ústeme paıda munaı kompanııalarynda tolyǵymen qalmaıdy. Bul jaıynda Ulttyq ekonomıka mınıstrliginen málim etti.

- Energetıka mınıstriniń 2025 jylǵy 27 qańtardaǵy № 43-n/q buıryǵyna sáıkes, janarmaı baǵasyn memlekettik retteý joıyldy. ıAǵnı, janarmaı baǵasy naryqtyq jaǵdaılarǵa baılanysty bolady jáne burynnan bar shekteýler endi qoldanylmaıdy. Іshki naryqta munaı men munaı ónimderiniń quny tómen bolǵandyqtan, munaı óndirýshi kompanııalar kiristi arttyrý úshin baǵany kótere alady. Alaıda, eger olar artyq paıda tapsa, onda bul kiristiń bir bóligin memlekettik bıýdjetke jiberý usynylady, - dep atap ótti Ulttyq ekonomıka mınıstrligi agenttiktiń resmı saýalyna oraı.

Osyǵan baılanysty Ulttyq ekonomıka mınıstrligi 2018 jylǵy 6 sáýirdegi №173 qaýlyǵa ózgerister jobasyn ázirlegen. Joba benzınge (avıatsııadan basqa) jáne dızel janarmaıyna qosymsha aktsızdiń mólsherlemesin anyqtaıdy. Bul janarmaı óndirýshiler men satýshylardyń artyq paıdasynyń 80 paıyzyn quraıdy. Ol sýpermarjanyń 80 paıyzy aktsız túrinde alynyp, bıýdjetke jiberiletinin bildiredi. 

- Baǵanyń ósýinen alynǵan ústeme paıda munaı kompanııalarynda tolyǵymen qalmaıdy, biraq ishinara memleket paıdasyna qaıta bólinedi. Mańyzdysy, qosymsha aktsız tek baǵalar kóterilgen jaǵdaıda ǵana alynady. Qosymsha aktsız baǵanyń ósýine ákelmeıdi. Biraq ústeme paıdanyń bir bóligin bıýdjetke qaıta bólý quraly bolady. Ekonomıkalyq turǵydan alǵanda, bul tásil ınfraqurylymdy nemese áleýmettik baǵdarlamalardy damytý úshin paıdaly salalarǵa salynatyn salyqtardy paıdalanýǵa bolatyndyǵymen negizdelgen. Qaýly jobasy túpkilikti emes, óıtkeni qoǵamdyq talqylaý júrip jatyr, - dep túsindiredi vedomstvodan.

Buǵan deıin janarmaı satýdan túsken qosymsha tabystyń 80 paıyzyn bıýdjetke baǵyttaýdy kózdeıtin Úkimet qaýlysynyń jobasy jarııalanǵanyn jazǵan edik.