Almaty áýejaıy Qytaıdan jańa baǵyt boıynsha alǵashqy reısti qabyldady
ALMATY. KAZINFORM — Almaty halyqaralyq áýejaıynda Air China áýe kompanııasynyń Beıjiń — Almaty — Beıjiń baǵyty boıynsha tikeleı reısiniń tusaýkeseri ótti.
Almaty áýejaıynyń málimetinshe, Beıjiń — Almaty — Beıjiń baǵytyndaǵy reıster apta saıyn dúısenbi, sársenbi, juma jáne jeksenbi kúnderi Boeing 737 ushaǵymen oryndalady. Ushý ýaqyty — 4 saǵat 50 mınýt.
— Biz Almaty halyqaralyq áýejaıynda jańa áýe tasymaldaýshy — Air China kompanııasyn qýana qarsy alamyz. Beıjiń — Almaty — Beıjiń baǵyty boıynsha tikeleı turaqty áýe reısiniń ashylýy — Qazaqstan men Qytaı arasyndaǵy áýe qatynastaryn nyǵaıtýdyń mańyzdy qadam, — dedi Almaty halyqaralyq áýejaıynyń vıtse-prezıdenti Onýr Shatyr.
Búgingi kúni Almaty qalasymen Qytaıdyń Beıjiń, Shanhaı, Gýanchjoý, Sıan, Úrimji, Qulja, Hanchjoý jáne Sanıa qalalarymen tikeleı áýe qatynasy bar.
— 2025 jyldyń basynan beri Almaty men Qytaı arasyndaǵy jolaýshylar aǵyny 230 000 adamnan asty, bul ótken jyldyń sáıkes kezeńimen salystyrǵanda 62 %-ǵa kóp, — dep habarlady Almaty áýejaıynan.
Eske salaıyq, buǵan deıin qyrǵyz áýe kompanııasy Almatyǵa alǵashqy reısin oryndaǵanyn jazǵanbyz.