Jańarǵan partııa halyqtyń senimin qaıtara alýy tıis - Aqylbek Kúrishbaev
«Búgin partııanyń ataýy ǵana ózgergen joq, eń bastysy, onyń máni men jumysynyń mazmuny da ózgermek. Áıtpese, basqasha bolmaıdy! Biz elimizde júıeli saıası transformatsııa júrip jatqanyn, olıgarhtardyń ekonomıkasy quldyrap jatqanyn túsinýimiz qajet. Eń bastysy, biz halyqtyń ózi memlekettik bıliktiń qaınar kózine aınalatyn ádil demokratııalyq qoǵam qurýǵa bet alamyz», - dedi senator.
Osy rette Aqylbek Kúrishbaev bılik partııasy ataýynyń «Amanat» bolyp ózgerýine qatysty oıyn aıtty.
«Bul jaǵdaıda bıliktegi partııa qalaısha ózgerissiz qalmaq?! Amanat degen ataýdyń ózi - ata-baba murasyn saqtap, onyń qundylyqtaryn oryndaýdy ǵana bildirmeıdi, halyqtyń úmitin aqtap, múddesin qyzǵyshtaı qorǵaýdy kózdeıdi. Sondyqtan, eń aldymen, bul jańarǵan partııa halyqtyń senimin qaıtara alýy tıis. Búgin Memleket basshysy Qasym-Jomart Toqaev aıtqandaı, «Partııanyń rebrendıngi – onyń ataýyn ózgertip, mańdaıshasyn aýystyrý ǵana emes. Birinshi kezekte - búkil partııa isin qaıta qurý», - dedi ol.
