Jańarǵan Májilistiń kásibı deńgeıde jumys jasaýyna tolyq múmkindik bar – Edil Jańbyrshın
«Parlament Májilisiniń 7-shi jańa shaqyrylymy áli jumysyn bastaǵan joq, sondyqtan onyń kásibıligin baǵalaý áli erterek bolar. Degenmen aıta ketetin jaıt, bizdiń partııa tarapynan usynylǵan azamattar densaýlyq saqtaý jáne bilim mekemelerinde, memlekettik qyzmette, úkimettik emes uıymdarda, BAQ-da, óndiriste, aýyl sharýashylyǵynda, bızneste jáne basqa da salalarda qyzmet jasaǵan kásibı jaǵynan biliktiligi joǵary, tájirıbeli mamandar. «Nur Otan» partııasynyń depýtattyq korpýsynyń ishine Májilistiń 6-shy shaqyrylymynyń depýtattary da kirgen jáne oǵan birneshe ǵylym doktorlary men kandıdattaryn qosyńyz. Jalpy aıtqanda, jańarǵan Parlament Májilisiniń kásibı deńgeıde jumys jasaýyna tolyq múmkindik bar», - dedi Edil Jańbyrshın.
Onyń aıtýynsha, partııa ózin modernızatsııalaýdy qolǵa alyp, jańa baǵyttaǵy jumystardy bastap ketti.
«Birinshiden, partııa Táýelsizdik alǵan jyldarda eldegi turaqtylyq pen beıbitshilikti qamtamasyz etti. Ekinshiden, elde josparly ekonomıkadan, naryqtyq ekonomıkaǵa ótý úshin biraz reformalardy iske asyrdy. Sonyń arqasynda Qazaqstan shıkizat óndiretin elden, ındýstrıaldy ekonomıkasy bar elge aıaq basty. Jańa zamanaýı tehnologııalarmen jabdyqtalǵan óndiris oshaqtary jáne turaqty jumys oryndary ashylyp jatyr.Úshinshiden, adamı kapıtaldy damytýǵa aıtarlyqtaı múmkindikter jasady. Tórtinshi, energoresýrstardy jáne baılanys kommýnıkatsııalaryn eldi mekenderge jetkizý úshin ınfraqurylymdy damytty, sondaı-aq turǵyn úı máselesin sheshýdi iske asyrýda.
Besinshi, áleýmettik jaǵdaılary tómen otbasylar men múmkindigi shekteýli azamattarǵa qajetti kómek kórsetýde. Altynshy, halyqqa azyq-túlik pen turmystyq buıymdardyń qoljetilimdiligin qamtamasyz etti. Jetinshi, partııa ózin modernızatsııalaýdy qolǵa alyp, jańa baǵyttaǵy jumystardy bastap ketti. Oǵan bir mysal,partııaishilik praımerız arqyly el arasynan bedeldi azamattardy tańdap, Májilis pen barlyq deńgeıdegi máslıhattarǵa úmitkerlerdi usyndy. Partııamyzdyń tizimimen Parlamenttiń tómengi palatasyna engen 76 depýtattyń 36-sy praımerız arqyly óńirlerde jeńip shyqqan azamattar, - dedi ol.
