Janarbek Áshimjan Májilistegi áriptesine jasandy ıntellekt arqyly oda arnady

ASTANA. KAZINFORM – Májilis depýtaty Janarbek Áshimjan áriptesi Erlan Saırovqa jasandy ıntellekt arqyly oda arnady.

- Qazir men osynda otyryp ChatGPT-ge tapsyrys berdim. «Erlan Saırov týraly óleń kerek. Ol – depýtat, saıasatker. Shyǵys Qazaqstan oblysynyń týmasy, olıgarhtarmen aıaýsyz kúresip jatyr», - dep tapsyrma berip edim, bes shýmaq óleń jazyp berdi, - dedi depýtat.

Ol jasandy ıntellekt jazǵan óleńniń bir shýmaǵyn mysal etip keltirdi.

- Satylmas sózge, uranǵa

Depýtat bolyp tik aıtty.

Olıgarhtardy jyǵyp qaıtty

Qarapaıymnyń úni bop,

Ádildik úshin maıdan ashty, - dep bir shýmaǵyn keltirip qoıaıyn, - dedi Janarbek Áshimjan.

Sondaı-aq, depýtat qazir tájirıbesiz jýrnalıster jasandy ıntellektke senip, jumysynda qatelikterge boı aldyryp jatqanyn málim etti.

Baıandamashy depýtat Ekaterına Smyshlıaeva bul máseleni sheshý úshin jasandy ıntellekt algorıtmi arqyly jasalǵan týyndyǵa adamnyń qanshalyqty úles qosqanyn paıyzben ólsheıtin tásil oılap tabý kerektigin aıtty.

Buǵan deıin Qazaqstanda qaı salaǵa jasandy ıntellekt belsendi engizilip jatqanyn jazǵan edik.