Jańaratyn energııa kózderiniń tarıfi belgili boldy
ASTANA. QazAqparat - Qazaqstanda jańaratyn energııa kózderiniń tarıfi belgili boldy. Búgin QR Prezıdenti janyndaǵy Ortalyq kommýnıkatsııalar qyzmetinde Qorshaǵan orta jáne sý resýrstary mınıstri Nurlan Qapparov bul jaıly jan-jaqty habardar etti.
«Mamyr aıynyń sońynda Úkimet jańaratyn energııa kózderinen óndiriletin elektr energııalarynyń tarıfterin bekitti. Máselen, jel elektr stansasy óndirgen elektr energııasynyń tarıfi 1 saǵat kVt-ǵa 22,68 teńgeni quraıdy, al kún elektr stansalarynda - 34,61, shaǵyn sý elektr stansalarynda - 16,71, bıogaz qurylǵylarynda 32,23 teńgege teń», - dedi ol.
Onyń sózine qaraǵanda, ótken jyly jańaratyn energııa kózderin qoldaý jáne paıdalaný máseleleri boıynsha zańnamaǵa tolyqtyrýlar men ózgertýler engizilgen.
«Túzetý Qazaqstandaǵy jańaratyn energııa kózderin odan ary qalyptastyrý úshin jaǵdaı jasaıdy jáne sektordy qoldaýdyń júıeli sharalaryn engizýge jáne bekitilgen tarıf mólsherin esepteýge múmkindik berdi», - dedi N.Qapparov.
Mınıstrdiń atap ótýinshe, 2020 jylǵa qaraı Qazaqstandaǵy jańaratyn energııa kózderi úlesin eldiń jalpy energııa balansynyń 3 paıyzyna jetkizý josparlanyp otyr.
