Janar-jaǵarmaıǵa muqtaj sharýalardyń derekter bazasy qurylmaq

ASTANA. QazAqparat – Úkimet basshysy Álıhan Smaıylov jeńildikpen beriletin dızel otynyn bólýdi erekshe baqylaýda ustaý kerektigin eskertti, dep habarlaıdy QazAqparat tilshisi.

«Aýyl sharýashylyǵy mınıstrligi múddeli memlekettik organdarmen jáne óńir ákimdikterimen birlesip, kóktemgi egiske daıyndyq jumysty kúsheıtý qajet. Jeńildikpen beriletin dızel otynyn bólý de erekshe baqylaýda bolýy tıis. Alyp-satý jáne qoldan jasalatyn tapshylyqqa jol bermeý kerek. Bólingen dızeldi basqa jaqqa jasyryn satatyn operatorlarǵa barynsha qatań shara qoldaný kerek», - dedi Álıhan Smaıylov Úkimet otyrysynda.

«Óńirler boıynsha egistik jerlerdiń jalpy aýdany jáne janar-jaǵarmaıǵa qajettiligi bar sharýalardyń derekter bazasyn qurý qajet», - deıdi ol.

Buǵan deıin Premer-Mınıstr egis alqaptaryna tyńaıtqyshtyń jetkilikti sebilmeýinen 10 mln tonna bıdaıdan aırylyp otyrǵanymyzdy aıtqan edi.