«Janar-jaǵarmaıdyń shıkiligi zaýyttardyń eskiliginde bolyp tur»- respýblıkalyq basylymdarǵa sholý

Máskeýde TMD elderi Syrtqy ister mınıstrleri keńesiniń kezekti májilisi bolyp ótti. TMD-ǵa múshe elder Syrtqy ister mınıstrleriniń osy jolǵy otyrysynda jıyrmadan astam másele qaraldy. Olar mem­leket­ara­lyq yntymaqtastyqty gýmanı­tar­lyq salada, qaýipsizdikti qamta­ma­syz etýde jáne halyqaralyq qatynastarda damytyp, tereńdetýge arnaldy. Basqosýda EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy - Syrtqy ister mınıstri Qanat Saýdabaev sóz sóı­ledi. Bul Qazaqstannyń EQYU-ǵa tóraǵalyǵy laýazymynda 100 kún bolýynyń ózindik bir qory­tyndysyn shyǵarǵan sóz ispettes boldy.Tolyǵyraq «Egemen Qazaqstan» basylymynyń búgingi sanyndaǵy «Birlesip atqarar jumys kóp» degen taqyryppen berilgen maqaladan oqyńyzdar.

***

«Kedendik odaqtyń» qysymymen Qazaqstan Úkimetiniń kezekti qamaly qulaıtyndyǵyn bildik. Byltyr Másimov Úkimeti janar-jaǵarmaıdyń birqatar túrleriniń qunyn «qatyryp» tastaǵany málim. Atap aıtqanda, «temir tulparly» qazaqstandyqtardyń eń kóp suranysyna ıe Aı 92/93 markaly benzınniń jáne aýyl sharýashylyǵy ónimderin óndirýshiler úshin ómirlik mańyzy bar dızel otynynyń baǵasyn memleket óz baqylaýyna alyp, endi ony ózi belgilep otyratyndyǵyn jarııalaǵan. Muny kórip, dıqandar da, qoǵam da jyldar boıy ıyǵyn ezgen aýyr júkten arylyp, jeńil bir kúrsingendeı boldy. Biraq bul qýanysh uzaqqa sozylmaıtynǵa uqsaıdy. Úkikmettegi keshegi selektorlyq keńesten shyqqan Munaı jáne gaz mınıtri Saýat Myńbaev bizge bergen suhbatynda Reseı naryǵyna kóz tigip, qylpyldap otyrǵan JJM saýdagerleriniń arynyn endi aýyzdyqtaı almaıtyndaryn málimdedi. Mamyr aıynan bastap, olardyń aıaǵyndaǵy «tusaý» alynady!»,- dep jazdy «Aıqyn» basylymynyń búgingi sany. Osy jaǵdaıǵa baılanysty Munaı jáne gaz mınıstrliginiń basshysy dıqandardy asyǵýǵa shaqyrypty. Bul týraly tolyǵyraq gazettegi «Janar-jaǵarmaıdyń baǵasy qymbattaýy múmkin» degen atpen berilgenmaqaladan oqyńyzdar.

«Kedendik odaq: kúdikten úmit basym». Osy taqyryppen jaryq kórgen «Aıqyn» gazetindegi kelesi maqala ótken senbide Almaty qalasynda ótken «QR-nyń úshtarapty Kedendik odaqqa kirýi týraly» degen taqyrypta ótken basqosýǵa nazar aýdarypty. «Áńgime arqaýy - búgingi kúnniń basty da ózekti taqyryby Kedendik odaq jaıynda bolǵany belgili. Elde osy Kedendik odaq jóninde ártúrli pikirlerdiń aıtylyp júrgenin bárimiz bilemiz. Ásirese oppozıtsııa tarapynan «Bul odaqtyń Qazaqstanǵa bereri shamaly, Reseıdiń daýsy basyp ketedi, biz sonyń jeteginde ketip baramyz» degen sekildi syńarjaq pikirlerdiń kóbeıip turǵany málim. Aınalyp kelgende, olardyń alǵa tartatyny - bizdiń ishki rynok básekege tótep bere almaıdy. Onyń ústine bıýdjet te odaqtyń kesirinen aıtarlyqtaı somadan aıyrylady degen depýtattardyń esebi de syńarjaq pikirlerdi órshitip jibergen sekildi»,-deıdi basylym.

Keshe tańsáride Máskeý tynyshtyǵyn metrodaǵy eki jarylys buzdy. Aldymen «Lýbıanka», jarty saǵattan keıin «Mádenıet saıabaǵy» stansasynda qaıtalanǵan lańkestik oqıǵalardyń nátıjesinde 37 adam qaza bolyp, 60-tan astam adam jaraqat alǵan. Egjeı-tegjeıin «Aıqyn» basylymynyń búgingi sanynda jaryq kórgen «Máskeýde taǵy - jarylys...» atty maqaladan oqı alasyzdar.

***

«Astana aqshamy» basylymynyń búgingi sanynda «Bul oıyn emes, oıyn aıaqtalǵan!» atty maqala jaryq kóripti. Maqalada offshorlyq shemalardyń kómegimen Qazaqstan bankterinen ondaǵan mıllıard dollardy alyp ketken adýyndy fıgýra - eks-bankır Muqtar Áblázov jaıly sóz bolady.

Keshe «Nur Otan» HDP qalalyq fılıalynda Astana qalasy máslıhatyndaǵy «Nur Otan» HDP fraktsııasynyń 2010-2012 jyldarǵa arnalǵan Astana qalasynyń bıýdjetine naqtylaý jáne tolyqtyrý engizýdi talqylaý boıynsha keńeıtilgen keńes ótti. Keńestegi aıtylǵan keleli máselelerdi «Astana aqshamy» gazetiniń búgingi sanyndaǵy «Bıylǵy bıýdjettiń baıany» degen atpen berilgen maqaladan oqı alasyzdar.

***

«Latyn qarpine qaıta kóship kelemiz be? Ras, bul másele birtalaıdan beri qozǵalyp keledi. Táýelsizdik alǵan jyldan bastap desek te bolady. Buqara arasynda ájeptáýir qoǵamdyq pikir de týyp úlgerdi. Latyn qarpin kókseıtinderdiń de sany birshamaǵa jetti. Desek te, saıty latynsha jasalǵan Úkimet tarapynan latyn tiline kóshý bastamasy áli kúnge deıin qoldaý tappaı keledi. Keshe Májiliste ótken Úkimet saǵatynda depýtat Amangeldi Momyshev «Latyn qarpi - túrik halyqtaryn biriktiretin faktor», dep Bilim jáne ǵylym mınıstri Janseıit Túımebaevty álemniń 60 paıyzy qoldanyp otyrǵan latyn tiline kóshýge shaqyrdy.Mınıstr bul máseleni «Janseıit retinde» qoldaıtynyn, al «mınıstr retinde» sheshim qabyldaý quzyrynda emes ekenin jetkizdi... «Men mınıstr emes, jeke óz basymnyń esebi retinde «latyn álipbıine kóshý kerek degenge» durys qaraımyn. Biraq mınıstr retinde buǵan men eshqandaı sheshim qabyldaı almaımyn» dep bul máselede oılanatynyn jetkizdi»,-dep jazdy «Alash aınasy» basylymynyń búgingi sany. Egjeı-tegjeıin gazettiń birinshi betinen oryn alǵan «Mınstr Latyn álipbıin «Janseıit» retinde qoldaıdy,«Mınstr» retinde oılanady» atty maqaladan oqyńyzdar.

«Mektep irgesinde araq satylyp jatyr». Osy taqyryppen berilgen «Alash aınasy» gazetindegi kelesi maqala prokýratýranyń tekserýi barysynda Qostanaıda jeke kásipker S.V.Efremovanyń №24 «a» bastaýysh mektebi túbinde turǵan «Olımp» dúkeni arqyly erkin araq-sharap satyp kelgeni áshkere bolǵanyn jazady. «Іshimdik ónimderin satatyn saýda núkteleriniń bilim-tárbıe berý nysandarynan kem degende 100 metr jerde bolýy kerektigin jaqsy biletin Efremova 9,5 metr jerde saýda jasaǵan. Quzyrly organdar lızentsııa bergen kezde bastaýysh qazaq mektebinde oqıtyn balǵyn oqýshylardyń «alkogoldik saýatyn» erte ashady-aý dep múlde qaperine almaǵan»,-deıdi basylym.

Atalǵan basylymnyń búgingi sanynda jaryq kórgen «Janar-jaǵarmaıdyń shıkiligi zaýyttardyń eskiliginde bolyp tur» atty maqalada gazet tilshisi Kámshat Satıeva «qara altyn» qoryna baı el bola tura, oqtyn-oqtyn qaıtalanatyn janarmaı tapshylyǵyna urynbaýdyń jolyn izdeıdi.Bireýler «monopolıster naryqtaǵy baǵany joǵary ustaý úshin qasaqana ónim shyǵarýdy shekteıdi» dese, endi biri «bizdegi úsh munaı óńdeý zaýytynyń ónimdilik qýaty nashar, sondyqtan olardy jańalaý kerek» degendi aıtady. Boljam boıynsha 2014 jylǵa taman AI-80 janarmaıy múldem tutynylmaıtyn bolady. ıAǵnı qazirgi bar úsh zaýytty da qaıta salýǵa týra keledi. Qazir Batys elderi Eýro-5, Eýro-6 standartyna kóship jatqan kezde otandyq munaı óńdeý zaýyttary buǵan daıyn emes. Avtor basqasyn bylaı qoıǵanda, janar-jaǵarmaı sapasyn anyqtaıtyn bizde memlekettik júıe joq ekenine nazar aýdartady.