Janar-jaǵarmaıdy shekaradan shyǵarýǵa qoıylǵan shekteý taǵy 6 aıǵa uzarmaq

ASTANA. QazAqparat - Elimizden benzın, dızel otyny jáne munaı ónimderiniń jekelegen túrlerin jeke kólikpen shyǵarýǵa salynǵan shekteý 6 aıǵa uzarmaq. Bul týraly QR Energetıka mınıstrliginiń «Ashyq NQA» portalynda jarııalanǵan «Qazaqstan Respýblıkasy aýmaǵynan munaı ónimderin áketýdiń keıbir máseleleri týraly» birlesken buıryǵynyń jobasynda jazylǵan.

Janarmaı satylymyn shekteý nemese jasyryp qoıý máselesi Úkimette talqylandy

Qujatta benzınderdi, dızel otynyn jáne munaı ónimderiniń jekelegen túrlerin Qazaqstan Respýblıkasynyń aýmaǵynan kólik quraldaryn daıyndaýshy zaýyttyń standarttaryna sáıkes kelmeıtin benzın baktarynda (ıaǵnı, qosymsha ornatylǵan - red.) áketýge alty aı merzimge tyıym salynaty jazylǵan.
Avıatsııalyq otyn úlgilerine (synamalaryna) jáne kólemi kórsetilgen hat bolǵan jaǵdaıda ónerkásiptik óndiriske qoıý, ony ónerkásiptik óndirýdiń tehnologııasyn bekitý maqsatynda ǵylymı-zertteý jumystaryn júrgizý úshin avıatsııalyq otyndy shyǵarýǵa shekteý qoıylmaıdy.
Buǵan deıin janarmaı satylymyn shekteý nemese jasyryp qoıý máselesi Úkimette talqylanǵan bolatyn.

Aıta keteıik, bundaı shekteý alǵash ret bıyl aqpan aıynyń basynda 4 aı merzimmen qoldanysqa engen bolatyn.