Janar-jaǵarmaı tapshylyǵyn boldyrmaý joldary talqylandy

ASTANA. QazAqparat - «KAZENERGY» qaýymdastyǵy Qazaqstandaǵy munaı-gaz naryǵynyń qazirgi jaǵdaıyn talqylaý úshin Dóńgelek ústel ótkizdi. Májiliske «KAZENERGY» qaýymdastyǵynyń, QR Energetıka mınıstrliginiń, QR Ulttyq kásipkerler palatasynyń, «QazMunaıGaz» ulttyq kompanııasynyń, Qazaqstan otyn qaýymdastyǵynyń ókilderi, JJM kóterme saýda jáne bólshek saýda jetkizýshileri qatysty, dep habarlaıdy KAZENERGY qaýymdastyǵynyń baspasóz qyzmeti.

Dóńgelek ústel májilisiniń qorytyndysy boıynsha Qazaqstandaǵy munaı-gaz naryǵynyń Reseı Federatsııasynan ákelinetin JJM ımportyna táýeldi ekeni atap ótildi. Bul táýeldiliktiń sebebi qazaqstandyq munaı-gaz zaýyttarynyń munaı ónimderine degen ishki suranysty óteı almaýy bolyp tabylady.

Dóńgelek ústel májilisiniń qatysýshylary Reseıden keletin JJM keıbir túrlerin ımporttaýǵa shekteýlerdi alyp tastaý jáne ımporttaýǵa birtutas operator boldyrmaý, sondaı-aq Reseı Federatsııasy men Qazaqstan Respýblıkasy arasyndaǵy kóterme saýda baǵasy arasyndaǵy aıyrmany teńestirý arqyly JJM naryǵyndaǵy jaǵdaıdy turaqtandyrý boıynsha Úkimet qabyldaǵan sharalardy qýattady.

Sonymen birge, ártúrli bólshek saýda jetkizýshilerine taratý rásimderin, qaǵıdattaryn jáne biliktilik talaptaryn belgileý arqyly oblystyq ákimdikterdiń JJM aýqymynyń taratylý ashyqtyǵyn qamtamasyz etýi qajettigi týyndap otyr. Aımaqqa bólingen JJM aýqymy týraly aqparatty bólshek saýda jetkizýshileri arasynda ákimdikterdiń ǵalamtor-saıttary jáne BAQ arqyly JJM bólý jáne kópshilikke jarııalaý qajettiligi de bar.

K4 jáne odan joǵary standartty joǵary oktandy munaı ónimderiniń baǵasyn retteý máselesin talqylaý sheńberinde otandyq óndiristiń munaı ónimderin mindetti ótkizý júıesin aldyn ala pysyqtaý qajettigi, sonymen qatar paıdakúnemdik kásipqorlyq qyzmetterdi boldyrmaý maqsatynda JJM sapasyna táýlik boıy senimdi baqylaý jasaý qajettigi jóninde sóz qozǵaldy.

Buǵan qosa, Dóńgelek ústel qatysýshylary QR Energetıka mınıstrligine munaı ónimderiniń tapshylyǵyn boldyrmaý boıynsha ýaqtyly sharalardy qabyldaý úshin JJM jekelegen túrleriniń naryǵyndaǵy jaǵdaıǵa monıtorıng júrgizýdi, benzınniń jáne K4 jáne odan joǵary (Euro-4 jáne Euro-5) standartty dızeldik otynnyń shekteýli baǵasyn retteýdiń maqsatqa laıyqtylyǵy boıynsha talqylaý júrgizýdi jalǵastyrýdy usyndy.