Janar-jaǵarmaı naryǵyndaǵy ónimsiz deldaldardyń sany azaıtylady - Qýantyrov
«Memleket basshysynyń tapsyrmasymen mınıstrlik baǵanyń ósýine jol bermeý maqsatynda múddeli memlekettik organdarmen birlesip, 2022-2024 jyldarǵa arnalǵan ınflıatsııany baqylaý jáne tómendetý boıynsha is-sharalar keshenin ázirledi. Ol ónim óndirý kólemin ulǵaıtýǵa, saqtaý men logıstıkaǵa, bólshek saýdaǵa, baǵa belgileýdi baqylaýǵa, monopolııaǵa qarsy jáne syrtqy saýdany retteýge baǵyttalǵan jedel jáne orta merzimdi sıpattaǵy 61 is-sharadan turady. Inflıatsııany baqylaý jáne tómendetý boıynsha sharalar keshenin iske asyrýdyń maqsaty – ınflıatsııany 2022 jyly 4-6 paıyz dálizinde ustap turý jáne ony 2025 jylǵa qaraı 3-4 paıyz deńgeıge deıin tómendetý», - dedi mınıstr.
Onyń atap ótýinshe, bul is-sharalar Azyq-túlik qaýipsizdigin qamtamasyz etý josparyn qabyldaýdy, turaqtandyrý qorlarynyń júktemesin qamtamasyz etýdi, áleýmettik mańyzy bar azyq-túlik taýarlaryn ótkizýshiler úshin jaldaý aqysyn tómendetýdi, áleýmettik mańyzy bar azyq-túlik taýarlary, janar-jaǵarmaı, kómir, elektr energııasy, dárilik preparattar jáne taǵy basqalarǵa baǵalardyń ósýin tejeýdi qamtıdy.
«Júıeli is-sharalar aıasynda janar-jaǵarmaı naryǵyndaǵy ónimsiz deldaldardyń sanyn azaıtý josparlanýda. Halyqtyń áleýmettik osal toptaryn qoldaý maqsatynda olardy kommýnaldyq tólemderdi tóleý kezinde jeke topqa bólý praktıkasy engiziletin bolady», - dedi Álibek Qýantyrov.
