Janar-jaǵarmaı naryǵynda oıynshy kóp bolýy tıis – Májilis depýtaty

ASTANA. KAZINFORM – Janar-jaǵarmaı naryǵynda oıynshy kóp bolýy tıis. Bul týraly BIZDIÑ ORTA podkastynda Májilis depýtaty Murat Ergeshbaev aıtty.

Onyń aıtýynsha, elimizdegi negizgi úsh munaı óńdeý zaýyttary keńes zamanda salynyp, búginde ábden eskirgen.

- Shynyn aıtqanda eskiniń eskisi. Ózderiniń josparlaryna saı ózgerister jasap jatyr. Biraq, olar sol ózgeristi jasap bolamyn degenshe tehnologııalar ózgerip ketedi. Qazir shaǵyn kólemdegi munaıdy konteınerlerde de óńdeýge bolady. Sondaı tehnologııa bar. Jalpy, naryqta oıynshy kóp bolýy kerk. Al bizde ne bári úsheý ǵana. Monopolııa bar, bir-birimen kelisip alady. Elimizdegi shaǵyn 23 munaı óńdeý zaýytyna kvota bersek, úlken básekelestik bolar edi. Qazir, tez arada olarǵa munaı kvotasyn berý kerek te. Olar jylyna 6-7 mln tonnadaı janar-jaǵarmaı shyǵara alady, - dedi Murat Ergeshbaev.

Aıta keteıik, Qazaq Oil janarmaı quıý beketi benzındi mólsherden az quıyp kelgen.