Janar-jaǵarmaı máselesin sheshýdi tezdetip qolǵa alý qajet - N.Nazarbaev
sp;ASTANA. Qarashanyń 13-i. QazAqparat /Aıdar Ospanalıev/ - «Kóktem men kúz mezgilinde baǵasy sharyqtap ketetin janar-jaǵarmaı baǵasyna qatysty máseleniń jyry taýsylar emes. Osy jaǵdaıǵa qarasań, janar-jaǵarmaıdy óndirýshiler men saýdalaýshylar naǵyz ashkózder de, sheneýnikter buǵan múldem qatysy joq adamdar sııaqty»,
dedi Elbasy Nursultan Nazarbaev turǵyndardyń tikeleı jeli arqyly joldanǵan saýaldaryna jaýap berý kezinde.
«Bul máseleni tezdetip qolǵa almasa bolmaıdy. Munaıdyń baǵasy álem boıynsha quldyrap otyrǵanda, bizde onyń quny kerisinshe, sharyqtap barady. Muny qalaı túsinýge bolady jáne budan paıda taýyp otyrǵandar kimder. Sondaı-aq astyq quny da arzandady. Al dúkendegi unnan daıyndalatyn ónimder sol qalpynda. Úkimet bul baǵytta naqty sharalar qoldanýy kerek. Bul eldegi árbir ákimniń, árbir mınıstrdiń mindeti. Halyqqa naǵyz qyzmet etti degen sonda ǵana bolady. Bul máseleni naqtyly sheship, onyń oryndalý barysynan meni habardar etip otyrýlaryńyz qajet. Osy aıtylǵandardyń barlyǵy aqparat quraldarynda jarııalansyn», dedi Prezıdent.
