Janar-jaǵarmaı baǵasynda kóp ózgerister bolmaýy tıis - E.Dosaev
ASTANA. QazAqparat - Teńge baǵamynyń ózgerýi Qazaqstanda janar-jaǵarmaı baǵasyna áser etpeıdi. Degenmen Aı-95 pen Aı-96 benzınderiniń baǵasy kóterilýi yqtımal. Bul týraly búgin Astanada QR Ekonomıka jáne bıýdjettik josparlaý mınıstri Erbolat Dosaev málim etti.
"Bizdiń oıymyzsha, janar-jaǵarmaı baǵasynda kóp ózgerister bolmaýy tıis. Biz Brent markaly munaıdyń baǵasyna qaraıtynbyz, ol tómendese, baǵa da túsýi kerek. Kóterilse, benzın quny da joǵarylamaq. Aldaǵy bolashaqta da osy saıasatty ustanamyz. Aldaǵy bolashaqta Brent baǵasy ózgerse, onda benzın baǵasy da ózgerýi yqtımal. Óıtkeni benzındi Qazaqstanda óndirip jatyrmyz. Biraq shetelden ákelinetin benzınder, Aı-95,96 janar-jaǵarmaı baǵasy ózgeretin shyǵar dep oılaımyz", - dedi ol.
