Janar-jaǵarmaı baǵasy erkin naryqqa berilse, azyq-túlik qymbattaýy múmkin be — AShM jaýaby

ASTANA. KAZINFORM — Jýyrda elimizde benzın men dızel baǵasyn memleket rettemeýi múmkindigi aıtyldy. Osy oraıda janar-jaǵarmaıdyń baǵasy retteý erkin naryqqa berilse, azyq-túlik baǵasynyń qymbattaý qaýpi bar ma? Bul saýaldy Aýyl sharýashylyǵy vıtse-mınıstrine qoıǵan edik.

Жанар-жағармай бағасы еркін нарыққа берілсе, азық-түлік қымбаттауы мүмкін бе
Фото: Сауда және интеграция министрлігі

— Bıyl sharýalarǵa 847 myń tonna dızel kerek, onyń ortasha eseppen 445 myń tonnasy kóktemgi egis jumystaryna, qalǵany kúzde egindi jınaýǵa qajet. Janar-jaǵarmaıdyń baǵa ózgerisi azyq-túliktiń baǵasyna óndiriske ketken shyǵynǵa baılanysty áser etedi. Sol sebepten janar-jaǵarmaıdyń baǵasynyń ósýi, aýyl sharýashylyǵy ónimderiniń baǵasyna áserin tıgizedi. Biraq, qanshalyqty áser etedi, dál qazir belgisiz. Óıtkeni, biz Energetıka mınıstrliginiń baǵany bekitýin kútip otyrmyz, sodan soń naqty esebin shyǵaramyz, — dedi Ermek Kenjehanuly Májilis otyrysynan keıin BAQ ókilderiniń saýalyna jaýap bere turyp. 

Vıtse-mınıstrdiń aıtýynsha, byltyr sharýalarǵa dızeldiń lıtri 250 teńgeden satyldy. 

— Qazir biz sol baǵany saqtap qalý boıynsha jumys istep jatyrmyz. Ne bolǵanda da Energetıka mınıstrligi bizge naryqtaǵy baǵadan tómen qunmen beremiz degen kelisim bar, — dep sendirdi mınıstrdiń orynbasary.

Aıta ketsek, Energetıka mınıstrligi birer kún buryn elimizde benzın men dızel baǵasyn memleket rettemeýi múmkindigi týraly habarlaǵan edi. 

Сейчас читают