Janar-jaǵar maı baǵalary ózgergen joq jáne ózgermeıdi - TMRA
ASTANA. QazAqparat - Bıylǵy jyldyń birinshi toqsanynyń sońyna deıin retteletin janar-jaǵar maıdyń qazirgi baǵalary ózgermeıdi, deıdi QR Tabıǵı monopolııalardy retteý agenttiginiń tóraǵasy Murat Ospanov.
"Ózderińizge belgili, AI-80, AI-92/93 markaly benzınine jáne dızel otynyna memlekettik retteý qoldanylady. AI-95-96 jáne AI-98 benzınine baǵa rettelmeıdi jáne básekeles naryqta qalyptasady", - dedi ol búgin Astanada Ortalyq kommýnıkatsııalar qyzmetinde ótken brıfıngte.
Memleket retteıtin munaı ónimderin satý kezinde shekti baǵalardy asyrýǵa qatań tyıym salynady.
"Internette Almaty qalasynyń birqatar janar-jaǵar maı stansalarynda baǵa kóterilgeni týraly aqparat tarady. Biraq ol faktini tekserý kezinde eshqandaı jerde baǵa kóterilmegenin anyqtadyq. Sybys áńgime rastalmady", - dedi ol.
