Janar men Kámshat Baıan Esentaevadan ketti me? (FOTO)
ASTANA. QazAqparat -Janar Duǵalova men Kámshat Joldybaeva Baıan Esentaevadan ketti degen áńgime ánshi áriptesteriniń arasynda qyzý talqyǵa tústi. Kámshattyń ketkeni týraly Baıan Esentaeva óziniń ınstagram paraqshasynda resmı túrde jarııalady, dep jazady baistars.kz.
Janar Dýǵalova Baıan Esentaevanyń prodıýserlik ortalyǵyna alǵash «Premera» dep atalatyn toptyń ánshisi retinde kabyldanǵan bolatyn. Janar ol topta Aıdana Medenovamen óner kórsetti. Keıinnen Móldir Áýelbekovanyń ornyna «KeshYou» tobyna qabyldandy. Qosymsha jeke shyǵarmashylyǵyn shyńdady. Keshıýge, ózine avtor retinde birneshe ánder jazdy. «Turkvizyon» baıqaýyna qatysyp, Qazaqstanǵa bas júldeni jeńip alyp keldi. «Ǵashyq júrek 2» fılmine, «Mahabbatym Júregimde» telehıkaıasyna tústi. Kámshat Joldybaeva sazger Maqsat Jáýtikovtyń «Raıhanı» tobynda óner kórsetken. Keıinnen Keshıýdiń jańa quramynda án saldy. Toptan bir ret ketip, qaıta oralǵan. Ótken jyly «KeshYou» tobynan ketip, jeke ánshi retinde tanyla bastady. Qazir Kámshattyń qorjynynda birneshe án jáne eki beınebaıan bar.
