Janar maımen júretin avtokólikterdi gazǵa kóshirýde ár eldiń óz tájirıbesi bar - Ázızhan Elemesov
ALMATY. 18 tamyz. QazAqparat /Erlik Erjanuly/ - Janar-jaǵarmaımen júretin avtokólikterdi gazǵa kóshirýde ár eldiń óz tájirıbesi bar. Bul Almatyda ótip jatqan "Kólik tabıǵı gazben - Qazaqstan" dep atalatyn forýmda aıtyldy.
"Avtokólikti gazǵa aýystyrýda biz keńestik respýblıkalar arasynda sońǵy orynda bolatynbyz. 80 -shi jyldary salynǵan eski gaz quıý stansalarynyń qyzmetin Oralda - 23, Tarazda - 30 kólik qana paıdalanady. Sondyqtan biz bul jobany qolǵan alǵan kezde aldymen Ózbekstan, Qyrǵyzstan, Armenııa, Ýkraına tájirıbesin zerttedik", - deıdi "QazTransGaz" AQ-nyń Investıtsııalyq departamenti dırektorynyń orynbasary Ázızhan Elemesov. Onyń aıtýynsha, janarmaımen júretin avtokólikterdi gazǵa kóshirý jobasyn olar Almaty qalasy ákimdigi men BG Qazaqstan kompanııasymen birlesip júrgizýde. Qazir oǵan "Kolon" kompanııasy qosylyp otyr.
"Otyn retinde tabıǵı gazdy paıdalanýda ár eldiń ózindik tájirıbesi bar. Ózbekstanda oǵan ekonomıkalyq faktor túrtki bolyp otyr. Onda 1 tekshe metr tabıǵı gazdyń baǵasy 28 teńge, al sapasy tómen benzın 100 teńge. Sondyqtan gazǵa kóshýde eshkimdi kúshteýdiń qajeti joq. Al ózge elderde oǵan memleket tarapynan salyqtyq jeńildikter jasalyp, kólik salyǵynan bosatý, kedendik alymnan bosatý qarastyrylǵan", - deıdi Á. Elemesov.
