Janar maı quıý stansasyn tonaǵan qylmysker jedel ýákilge para berý kezinde ustaldy
ASTANA. 27 maýsym. QazAqparat - ІІM ózindik qaýipsizdik bólinisteriniń qyzmetkerleri polıtseılerdiń sybaılas jemqorlyq qylmystaryn, sondaı-aq polıtseılerge para berý faktilerin anyqtaýǵa jáne onyń jolyn kesýge baǵyttalǵan birqatar jumystar júrgizýde.
Bul týraly búgin ótken brıfıngte ІІM baspasóz qyzmetiniń basshysy Nurdildá Oraz málimdedi.
22 maýsymda qylmystyq jaýapkershilikten jaltarý maqsatynda, Ońtústik Qazaqstan oblysy ІІD Uıymdasqan qylmysqa qarsy kúres basqarmasynyń aǵa jedel ýákiline 100 myń teńge berý ústinde bir azamat ustaldy. Onyń ótken jyldyń aqpan aıyndaǵy janar maı quıý stansasyna jasalǵan qaraqshylyq shabýylǵa qatysy bar ekendigi jáne qylmystyq toptyń múshesi bolyp tabylatyndyǵy dáleldendi. Kúdikti ýaqytsha ustaý ızolıatoryna qamaýǵa alyndy. Esterińizge sala keteıik, byltyr aqpan aıynda belgisiz 4 adam qarý qoldana otyryp, janar maı quıý stansasynan 13 myń teńge qarjatty urlap ketken bolatyn. Jedel is-sharalar ótkizý barysynda eki kúdikti ustaldy, olar 2012 jyldyń sáýirinde 12 jáne 7 jylǵa bas bostandyqtarynan aıyryldy.
