Janar Duǵalova tarıhı roman jazýǵa kóshti
ASTANA. QazAqparat - Janar Duǵalova jeke ómiri jaıly «Túngi stýdııa» baǵdarlamasyna kelip aǵynan jaryldy. Óner jolyn ánshilikten bastaǵan boıjetken qazir tarıhı roman jazyp jatyr, - dep habarlaıdy «Juldyzdar qupııasy» saıty NUR.KZ-ke silteme jasap.
«Qazir tarıhı roman jazyp jatyrmyn. Bul kitabym tragedııa janrynda bolady. Qashan bitetinin bilmeımin», - dedi ánshi.
Jaqynda ǵana «Qazaqstannyń eńbek sińirgen mádenıet qaıratkeri» ataǵyna ıe bolǵan juldyz keler jyly jeke kontsertin bersem degen josparymen bólisti. Sondaı-aq prodıýsersiz jumys jasaǵannyń qıyndyǵyn moıyndaǵan ol tipti, ushaqqa da keshikkendigin aıtty.
«Qazir prodıýsserim joq. Baıan Maqsatqyzynan ketsem de ol men úshin ómirimdegi eń jaqyn adamym bolyp qala beredi. Ekinshi anam dep aıta alamyn. Prodıýssersiz kishkene qıyndaý, búgin mine Almatydan Astanaǵa ushatyn áýe reısine de keshigip qaldym», - dep kúldi Duǵalova.
Armanyńyz ne degen suraqqa ánshi erterek qartaıýdy asyǵa kútip júrgenin aıtty.
«Kóp adamdar qartaıýdan qorqady. Al men kerisinshe erterek qartaıyp, áje bolsam ǵoı dep asyǵa kútip júrmin. Ol degen jaqsy. Nemerelerimdi qasyma jınap, súıikti kitabymdy oqyp, shyǵarmalyqpen aınasyp, terezeniń aldynda kúnniń shýaǵyna qaraý qandaı baqyt», - deıdi Janar Duǵalova.
Eń alǵashqy tabysyn on tórt jasynda tapqanyn aıtqan ánshi birinshi qalamaqsyna fotoaparat satyp alǵan eken. Al, qazir tapsyryspen jas ánshilerge óleń jazý ústinde. Sazgerdiń tyń týyndysynyń biri aǵylshyn tilindegi «Qazaqstanǵa qosh keldiń» dep atalatyn ánin Baıan Esentaeva qurǵan jigitter toby oryndamaq.
