Janar Duǵalova Qanat Islamnyń boks keshinde án saldy
ASTANA. QazAqparat - Qazaqstandyq estrada ánshisi Janar Duǵalova Qanat Islamnyń boks keshinde án shyrqady, dep xabarlaıdy QazAqparat.
Ánshi qazaq tilinde «Rızamyn» ánin amerıkalyq jurtshylyq aldynda shyrqap berdi.
Aıta keteıik, búgin Ýılmıngton qalasynda (AQSh, Delaver shtaty) WBO Intercontinental jáne WBA Fedelatin tujyrymdary boıynsha Álem chempıony, birinshi orta salmaqtaǵy Qanat Islam (22-0-0, 18 KO) men brazılııalyq Robson Assıs (16-3-0, 9 KO) arasyndaǵy jekpe-jek ótýde.
Kezdesý 10 raýndqa sozylady.
Boksshylardyń kezdesýi kishi Roı-Djonstyń boks keshiniń aıasynda ótýde. Bul álemge «Qazaq» degen atpen tanylǵan Qanat Islamnyń kásipqoı rıngtegi 23-shi kezdesýi.
Qanat osyǵan deıin 22 kezdesýinde jeńiske jetip, onyń 18-in nokaýtpen aıaqtaǵan. Al, Robson kásipqoı rıngte 19 kezdesýiniń 16-yn jeńip, 9 jekpe-jeginde qarsylasyn merziminen buryn utyp, úsheýinde jeńiliske ushyraǵan.
