Janar Duǵalova «Bala Turkvizyion» baıqaýy qatysýshysynyń armanyn oryndady
ASTANA. QazAqparat - Keshe Respýblıka saraıynda ótken "Bala daýysy" birinshi ulttyq balalar án baıqaýynda kishkentaı juldyz Nazıma Beısanhannyń armany oryndaldy, dep habarlaıdy bastars.kz.
Ótken jyly "Bala Turkvizyion" baıqaýyna qatysyp, erekshe kózge túsken Nazıma bir sózinde: "Armanym - Janar Duǵalovamen dýet aıtý" degen bolatyn. "Bala daýysy" ulttyq án baıqaýynyń saltanatty ashylý rásiminde ol óziniń súıikti ánshisi Janar Duǵalovamen "Qus joly" ánin oryndap, qalyń kópshilikti erekshe kúıge bóledi.
Janar men Nazımanyń dýetin kórermen jaqsy qabyldap, úlken qoshemet bildirdi.
Sondaı-aq, "Bala daýysy" baıqaýynyń tálimgerleri qaı qalada irikteý júrgizetini anyqtaldy. Baıqaý bastamashysy: Álııa Nazarbaevanyń "Jandaný Álemi" qory.
