Janar Duǵalova Astana kúnine arnalǵan kontsertte oqýshylarmen birge án aıtty
ASTANA. KAZINFORM — Elordada qala kúnine oraı №2 óner mektebiniń oqýshylary «Astana» ánin oryndady. Bul týraly qala ákimdiginiń baspasóz qyzmeti málim etti.
Іs-shara Nura aýdanynyń ákimdigi men Bilim basqarmasynyń qoldaýymen uıymdastyryldy.
Іs-sharanyń basty ereksheligi — qazaqstandyq estrada ánshisi, aktrısa, Janar Duǵalova jas ónerpazdarmen birge óner kórsetti. Belgili ánshi oqýshylarmen birge án shyrqap, Astana turǵyndary men qonaqtaryna merekelik lebizin arnady.
Bul shyǵarmashylyq joba jas urpaqtyń týǵan qalasyna degen ystyq yqylasyn, elordaǵa degen maqtanyshy men Otanǵa degen shynaıy súıispenshiligin aıqyn kórsetti.
— Mundaı taǵylymdy jobalar óskeleń urpaqtyń shyǵarmashylyq áleýetin damytýǵa ǵana emes, olardyń azamattyq ustanymy men ulttyq qundylyqtarǵa degen qurmetin nyǵaıtýǵa da yqpal etedi, — delingen habarlamada.
«Astana» ánin estradalyq vokal jáne hor synybynyń oqýshylary erekshe sheberlikpen oryndap, kórermenderge kóterińki kóńil kúı syılady. Jas ónerpazdardyń júrekjardy lebizi men áserli óneri Astana kúni merekesiniń ajaryn ashyp, týǵan qalaǵa degen súıispenshilik pen onyń gúldenýine arnalǵan aq tilektiń jarqyn kórinisine aınaldy.
Aıta keteıik, Astana kúnine oraı halyqaralyq kóshe qoıylymdary festıvali ótedi.
