Janar Duǵalova án aıtyp jatqanda men Qazaqstan úshin qatty qýanyp otyrdym - Baıan Esentaeva

ASTANA. QazAqparat - Janar Duǵalova án aıtyp jatqanda men Qazaqstan úshin qatty qýandym. Bul týraly búgin Ortalyq kommýnıkatsııalar qyzmetinde ánshi Janar Duǵalovanyń «Turkvizyon-2014» halyqaralyq án baıqaýynda jeńiske jetýine oraı uıymdastyrylǵan brıfıngte belgili qazaqstandyq prodıýser Baıan Esentaeva aıtty.

«Biz barlyq jaýapkershilikti áýel bastan barynsha túsindik, sondyqtan konkýrsqa jaqsylap daıyndalyp, tek qana jeńisti maqset ettik. Janar án aıtyp jatqan kezde men Qazaqstan úshin keremet qýanyshta boldym. Janar der kezinde ózin-ózi sabyrǵa keltirip, ánin shyrqap, degenine jetti", - dedi Baıan Esentaeva.

Aıta keteıik, fınalda úshinshi bolyp óner kórsetken Janar Duǵalova 225 upaı jınady. Ol baıqaýda Rınat Zaıytovtyń sózine jazylǵan tól týyndysy "Іzin kórem" ánin oryndady.

Janar jartylaı fınaldan soń úshinshi orynda turǵan bolatyn. Ol aqtyq saıysta ekinshi oryndaǵy Tatarstan ánshisinen 24 upaı artyq jınady.