Janar Dosaeva Etnosaralyq qatynastardy damytý komıtetin basqarady
ASTANA. KAZINFORM – Janar Dosaeva Etnosaralyq qatynastardy damytý komıtetiniń tóraǵasy qyzmetine taǵaıyndaldy. Bul týraly Úkimettiń baspasóz qyzmeti habarlaıdy.
Qazaqstan Respýblıkasy mádenıet jáne aqparat mınıstriniń buıryǵymen Janar Rysbaıqyzy Dosaeva Etnosaralyq qatynastardy damytý komıtetiniń tóraǵasy qyzmetine taǵaıyndaldy.
1974 jyly Qostanaı qalasynda dúnıege kelgen.
A.Baıtursynov atyndaǵy Qostanaı memlekettik ýnıversıtetin, «Turan-Astana» ýnıversıtetin bitirgen.
Eńbek jolyn 2003 jyly Astana qalasy Іshki saıasat departamentiniń Taldaý, monıtorıng jáne jastar saıasaty bóliminiń bas mamany bolyp bastaǵan.
2003–2007 jyldary — Memlekettik bilim berý jáne testileý standarttary ulttyq ortalyǵynyń ákimshilik-taldaý bóliminiń bastyǵy.
2008–2017 jyldary QR Mádenıet mınıstrliginiń qurylymynda túrli laýazymdy qyzmet atqardy.
2019–2025 jyldary QR Prezıdenti Ákimshiliginde túrli laýazymda jumys istedi.
2025 jyldan bastap qazirgi ýaqytqa deıin QR MAM Mádenıet komıteti tóraǵasynyń orynbasary qyzmetin atqardy.
Buǵan deıin Tsıfrlyq damý vıtse-mınıstri aýysqanyn jazdyq.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.