Janar Doǵalova «Turkvizyon-2014» konkýrsynda jeńiske jetti

«Biz jeńdik!!! Sizderdiń súıispenshilikterińiz ben qoldaýlaryńyzǵa zor alǵys!!!, - dep jazdy prodıýser Baıan Esentaeva Instagramda.

«Turkvizyon-2014» ІІ halyqaralyq televızııalyq án konkýrsynyń fınaly Qazan qalasynda ótti, jeńiske jetýleri úshin jartylaı fınalda eń kóp ball jınaǵan 15 qatysýshy konkýrsta synǵa tústi.

Janar Doǵalova fınalda úshinshi bolyp shyqty, ol «Іzin kórem» degen kompozıtsııany oryndady.

«Qazandaǵy festıvalǵa 24 elden jáne Reseı Federatsııasynyń aımaqtarynan 300-den astam qonaqtar shaqyryldy. Sharanyń qurmetti qonaqtary uıymnyń turaqty keńesiniń 32-shi otyrysyna qatysyp jatqan TÚRKІSOI elderiniń mádenıet mınıstrleri qatysady», dep habarlaǵan bolatyn budan buryn uıymdastyrýshylar.

«Turkvizyon-2014» jartylaı fınalynda bıyl túrkitildes elderden 25 ártis óner kórsetti.

Halyqaralyq ánshiler konkýrsynyń joldamasyn jeńip alý úshin Qazaqstannyń 16 oryndaýshysy saıysty.

«Turkvizyon-2014» túrki álemi úshin «Eýrovıdenıege» balama ispetti. Konkýrs aýdıtorııasy 300 mln.-nan astam adamdy qamtıdy. Alǵashqy «Turkvizyon» konkýrsy ótken jyly túriktiń Eskishahar qalasynda ótken bolatyn. Oǵan 24 el men aımaqtardyń ókilderi qatysty. Qazaqstannan qatysqan Rin'Go toby fınaldyń qorytyndysynda 9-shy orynǵa ıe boldy.

Kelesi jyly konkýrs Túrikmenstanda, Mary qalasynda ótedi.

Janar Doǵalova «Astana juldyzy» ulttyq syılyǵy nusqasy boıynsha 2014 jyldyń úzdik ánshisi atanǵan bolatyn.