Janar Daýkeeva: Indıra Rasylhanǵa pı-ar kerek bolǵan shyǵar (FOTO)
ASTANA. QazAqparat - Osydan birer kún buryn Indıra Rasylhannyń «Qoshtasý» atty ánine baılanysty úlken daý týǵan bolatyn. Indıra ánin ruqsatsyz aıtyp, halyqqa óziniń jańa týyndysy retinde tanystyrǵan jas ánshi Janar Dáýkeevaǵa ókpeli ekenin habarlaǵan edi. Osydan keıin Janar Dáýkeeva ándi urlamaǵanyn aıtyp, basqasha málimdeme jasady, dep jazady baistars.kz.
Janar Dáýkeeva:
««Sabyr túbi-sary altyn» demekshi úndemedim. Biraq qoıar emes. Qoshtasý ániniń avtory: Baýyrjan Óskenbekov. Men oryndaýshymyn, maǵan satyp alyp bergen. Indıra Rasylhan bárin tań qaldyrdy. «Janar Daýkeeva meniń ánimdi urlap alypty» dep jarııa etipti. Ne úshin olaı jasaǵanyn túsinbedim. Keshe ǵana ekeýmiz telefonmen sóılestik, nómirimdi jaqsy biledi. Shyn máninde urlasam, nege ózime habarlasyp aıtpaıdy? Nege halyqty aldap, meni balaǵattaıdy eldiń aldynda? Álde meni jas ánshi dep basynǵandary ma? Bul ánniń óz ıesi bar. Indıranyń áni emes, ony ózi jaqsy bilip tur. Soǵan qaramastan men ózim habarlastym. «Nege halyqty shýlatyp jatyrsyz? Jazǵandaryńyzdy óshirip, ózimiz shesheıik» dep edim, oǵan kónbedi. Soǵan qaraǵanda, Indıraǵa pııar kerek bolǵan shyǵar. Án maǵan «basynda Indıraǵa bergenbiz, biraq ol durys oryndaı almady. Án eshqaıda taratylǵan joq, sen aıt» dep berilgen.
Meniń oryndaýymdaǵy án báriniń kóńilinen shyqqan soń, ánniń ıesi maǵan berdi. Indıra Rasylhannyn esh qatysy joq bul ánge. Nege men ánshiden rýksat suraýym kerek? Men olardyń mundaı bylyqtaryna aralaspaımyn», - dedi Janar Daýkeeva.
Buǵan deıin Indıra Rasylhan:
«Meniń osy ánimdi ruqsatymsyz aıtyp júrgenin búgin estip, ózim tań qaldym. Sonda bizde ánshiniń qadiri qaıda qaldy degen oı qatty mazalap otyr. Aıtylyp qoıǵan ánniń arqasynda tanymal bolǵysy kelip júrgen ol - Janar Daýkeeva. Arǵy jaǵyn ózderińiz saralańyzdar», - dep ánshi renishin bildirdi.
